ფეისბუქ მესენჯერის გამოყენება ბიზნესებისთვის

ივლისი 21, 2021

ფეისბუქ მესენჯერის გამოყენება ბიზნესებისთვის

ფეისბუქ მესენჯერი ერთ-ერთი ყველაზე მნიშვნელოვანი აპლიკაციაა, რომელსაც ბრენდები მომხმარებლებთან დასაკავშირებლად იყენებენ. ყოველთვიურად, ბიზნესები 20 მიალრადზე მეტ შეტყობინებას ცვლიან საკუთარ აუდიტორიასთან.

Facebook Messenger - ერთ-ერთი ყველაზე მნიშვნელოვანი აპლიკაციაა, რომელსაც ბრენდები მომხმარებლებთან დასაკავშირებლად იყენებენ. ყოველთვიურად ბიზნესები 20 მილიადზე მეტ შეტყობინებას ცვლიან საკუთარ აუდიტორიასთან.

როდესაც საქმე მომხმარებელთა მომსახურებას ეხება, მესიჯები ბიზნესთან საკონტაქტოდ ყველაზე მოთხოვნად მეთოდად ითვლება. სხვადასხვა ასაკობრივი ჯგუფებიდან მომხმარებელთა 64% აღნიშნავს, რომ მათ ბიზნესთან კომუნიკაცია შეტყობინების ფორმით ურჩევნიათ, ვიდრე დარეკვა ან მეილის გაგზავნა.

თუმცა, ტექსტური შეტყობინებების გაგზავნა მხოლოდ ამით არ შემოიფარგლება და ძალიან ბევრი ბიზნესი ფეისბუქის მესენჯერს მარკეტინგული შედეგების მისაღებადაც იყენებს - ბრენდის ცნობადობის გაზრდით დაწყებული, გაყიდვების დახურვით დამთავრებული.

მიმდინარე სტატიაში გაეცნობით, თუ როგორ შეიძლება ფეისბუქ მესენჯერის გამოყენება თქვენი ბიზნეს საჭიროებების გათვალისწინებით და მნიშვნელოვან რჩევებსაც მოგაწვდით სამომავლო მარკეტინგული კამპანიებისთვის.

რა არის Facebook Messenger?

ფეისბუქის მესენჯერს, ალბათ ყველა კარგად ვიცნობთ. 1.3 მილიარდზე მეტი ადამიანი მსოფლიოს გარშემო აქტიურად იყენებს მას მეგობრებთან, ოჯახის წევრებთან და ბიზნესებთან საკომუნიკაციოდ.

პლატფორმას აქვს ტექსტური შერტყობინებების, აუდიო და ვიდეო ზარების მხარდაჭერაც. მომხმარებელს პლატფორმის პერსონიფიკაციაც შეუძლია, მაგალითად ჩათის თემის შეცვლა, საკუთარი სტიკერებისა და რეაქციების შექმნა. 2021 წლის ივნისში, ფეისბუქმა დაიწყო აპლიკაციაში ჩაშენებული საგადასახადო სისტემის დანერგვაზე მუშაობაც, რომელიც მომხმარებელს საშუალებას მისცემს, გადახდა პირდაპირ მესენჯერიდან განახორციელოს.

მესენჯერი ბიზნესებისთვისაც უმარავი სიკეთის მომტანია, რადგან მისი მეშვეობით ისინი მომხმარებლისთვის დროული პასუხის დაბრუნებას ახერხებენ და მათთვის საკმაოდ მარტივ საკომუნიკაციო არხსაც პოულობენ. ბიზნესები მას კითხვებზე საპასუხოდ და სარეკლამოდაც იყენებენ.

Messenger-ის სარგებელი ბიზნესებისთვის

  1. ხარისხიანი მომსახურება

დღეს ციფრული სამყარო საკმაოდ ათვისებულია და ხალხი მოელის, რომ თქვენი ბიზნესი ონლაინ სივრცეში მუდმივად ხელმისაწვდომი იქნება. ფეისბუქის გლობალური გამოკითხვის მიხედვით გამოჩნდა, რომ გამოკითხულთა 70%-ს სურს, რომ ბიზნესთან ყოველთვის შეეძლოს დაკავშირება მომსახურების მიღების მიზნით. გარდა ამისა, 59%-ს სურს, რომ უკვე შეტყობინების გაგზავნითაც შეეძლოს შესყიდვის განხორციელება.

ფეისბუქის კვლევის თანახმად ასე იყენებს მომხმარებელი ფეისბუქის მესენჯერს:

  • 81%-ზე მეტი ადამიანი ბიზნესს წერს იმისათვის, რომ დასვას კითხვა პროდუქტის ან მომსახურების შესახებ
  • 75% ბიზნესებს მხარდაჭერისა და დახმარებისთვის წერს
  • 74% ბიზნესს პროდუქციის შესაძენად წერს

  1. აყალიბებს ნდობას ბრენდის მიმართ

თუ თქვენი კომპანია მზადაა დიალოგის გასამართად, მაშინ ხალხიც უფრო მეტად გენდობათ.

ფეისბუქის გამოკითხვების მიხედვით, მომხმარებელთა უმრავლესობა ბრენდს უფრო ენდობა, როდესაც მასთან დაკავშირება შეუძლია. მხოლოდ იმის ცოდნაც კი, რომ ბიზნესისთვის შეტყობინების გაგზავნა არის შესაძლებელი, სრულიად საკმარისია ზოგიერთი მომხმარებლისთვის.

წარმოიდგინეთ, რომ რაიმე მსხვილ შესყიდვას აკეთებთ და არჩევანი ორ კომპანიას შორის გაქვთ გასაკეთებელი - უბრალოდ, ერთ მათგანს არ გააჩნია მომხმარებელთა მხარდაჭერა. რომელს აირჩევდით? რომლს მიუბრუნდებოდით ისევ? თქვენი არჩევანი არავისთვის იქნება მოულოდნელი. არც ის ფაქტია გასაკვირი, რომ მას შემდეგ, რაც მომხმარებელი ბიზნესთან მიმოერას დაიწყებს, ხშირად ეს მთავარ საკონტაქტო გზად იქცევა ხოლმე.

  1. ხარისხიანი ლიდების გენერირება

ნებისმიერ დროს, როდესაც მომხმარებელი თქვენთან დაკავშირებას იწყებს, ეს თქვენი შესაძლებლობაცაა. თითოეული შეტყობინების გამოგზავნისას შეგიძლიათ მომხმარებლის შესახებ ღირებული ინფორმაცია შეიტყოთ და ეს შემდგომ ხანგრძლივი ურთიერთობის ჩამოსაყალიბებლად გამოიყენოთ.

მას შემდეგ, რაც საწყის მესიჯზე გასცემთ მომხმარებელს პასუხს, არაერთი მიზეზი არსებობს, რის გამოც მას სამომავლოდ დაუკავშირდებით. და ახლა, როდესაც ეს გზა თქვენთვის გახსნილია, შეგიძლიათ მათ თამამად დაეკონტაქტოთ.

ამის გაკეთება შესაძლებელია მათთვის რაიმე სპეციალური შეთავაზების გასაცნობად, მათი საჭიროებების გასარკვევად ან ახალი პროდუქტის შესათავაზებლად.

  1. ზრდის ყიდვის განზრახვას

ბიზნესისთვის მიმოწერის საშუალება ზრდის მომხმარებლის ნდობას კომპანიის მიმართ და ნდობა გაცილებით მარტივს ხდის ადამიანისთვის ყიდვის გადაწყვეტილებას. ფეისბუქის გამოკითხვიდან დადგინდა, რომ მომხმარებლების 65% ისეთი ბრენდებისგან ყიდულობს პროდუქციას, ვისთან დაკავშირებაც ჩათის საშუალებითაც შეუძლია.

იმის გათვალისწინებით, რომ მესენჯერი ამარტივებს ბიზნესისთვის მომხმარებლის შეკითხვებზე პასუხის გაცემას, მათი დარწმუნებაც ყიდვის შესახებ უფრო მარტივი ხდება.

  1. სენსიტიური საკითხების კერძოდ განხილვა

ფეისბუქის მესენჯერი იდეალური არხია კერძო დიალოგების გასამართად და ისეთ საკითხებზე სასაუბროდ, რომლებზეც საჯაროდ ვერ ვისაუბრებთ.

შესაძლოა, მომხმარებელს ისეთი შეკითხვა ჰქონდეს, რომლის დასმისაც ერიდება. შესაძლოა, მომხმარებელს ნეგატიური გამოცდილება აქვს მიღებული და თქვენთვისაც უმჯობესია, თუ მას საჯაროდ არ განიხილავთ.

პერსონალურად მომხმარებელთან კონტაქტი მათ აგრძნობინებს, რომ ბიზნესისთვის ისინი ღირებული არიან და კომპანია მათ საჭიროებებზე ზრუნავს.

როგორ დავაინსტალიროთ Facebook Messenger ბიზნესისთვის?

ფეისბუქის ყველა ანგარიშს გააჩნია წვდომა მესენჯერზე. თუ ჯერ არ გაქვთ ბიზნეს ანგარიში, მაშინ დაიწყეთ მისი შექმნა.

  1. დარწმუნდით, რომ მესენჯერი გააქტიურებულია

ფეისბუქის მესენჯერი უკვე გააქტიურებული უნდა იყოს ბიზნეს გვერდის შექმნისას, მაგრამ გადამოწმება ზედმეტი არასდროს არის.

  1. გადადით გვერდის მთავარ პარამეტრებში
  2. გადადით მესიჯების სექციაში და დარწმუნდით, რომ მონიშნულია შემდეგი პარამეტრი - „People can contact my Page Privately”

  1. შექმეით მესენჯერის სახელი და ბმული

თქვენი მესენჯერის ბმული გვერდის სახელის გასწვრივ არის მოთავსებული. მის მოსაძებნად გადადით მესიჯების სექციაში მთავარი პარამეტრებიდან, მოძებნეთ ბმული და დაამატეთ შემდეგ ის თქვენს აღწერას, ვებ-გვერდს ან მეილს.

  1. დაამატეთ მესიჯის გაგზავნის ღილაკი თქვენს გვერდზე

შემდეგ აუცილებლად დაგჭირდებათ მესიჯის გასაგზავნი ღილაკის დამატება თქვენს გვერდზე.

ამისათვის:

  1. თქვენი გვერდის გარეკანის ფოტოს ქვევით დააწექით ღილაკის დამატების ნიშანს - „Add Button”.
  2. მონიშნეთ თქვენთან დაკავშირება „Contact You” და გადადით შემდეგზე.
  3. მეორე საფეხურზე მონიშნეთ მესენჯერი და დააწექით დასრულებას.

  1. დაწერეთ მისასალმებელი მესიჯი

მისასალმებელი შერტყობინება პერსონალიზებული მესიჯია მომხმარებლისთვის და იგზავნება ავტომატურად მაშინ, როდესაც ვინმე მესიჯების გრაფას გახსნის და ის მათ მიერ მესიჯის გამოგზავნამდე ჩნდება.

როგორ დავწეროთ ფეისბუქის მისასალმებელი მესიჯი:

  1. გადადით თქვენი გვერდის პარამეტრებში და აირჩიეთ მესიჯები
  2. ჩამოდით ქვევით და გააქტიურეთ მესენჯერის მისალმების ჩვენება
  3. მისასალმებელი წერილის შესაცვლელად დააწექით შესაბამის ღილაკს - Change
  4. მიუთითეთ პერსონალიზაციის დამატება. ამგვარად, თქვენი წერილი შეიცავს მომხმარებლის სახელს, ფეისბუქის გვერდის ბმულს, თქვენს საიტს ან ბიზნეს ნომერს.
  5. შემდეგ კი დააწექით დასრულებას და შენახვას.

  1. დააყენეთ მყისიერი პასუხი

მყისიერი პასუხების შექმნა შეგიძლიათ ავტომატური მესიჯების გასაგზავნად. ეს მესიჯი შეიძლება მომხმარებელს თქვენს სამუშაო საათებს აცნობდეს ან უბრალოდ მადლობას უხდიდეს ბრენდით დაინტერესებისთვის.

როგორ დავაყენოთ მყისიერი პასუხი:

  1. გადადით ძირითად პარამეტრებში და აირჩიეთ შეტყობინებები.
  2. ჩამოდით ქვევით და აირჩიეთ ავტომატური პასუხების დაყენება.
  3. დააწექით მყისიერ პასუხს - “Instant Reply”.
  4. დააწექით რედაქტირების ღილაკს და შექმენით სასურველი მესიჯი.
  5. მყისიერი პასუხების გამოყენება ასევე შესაძლებელია ინსტაგრამისთვისაც.

შენიშნვა: მყისიერი პასუხი არ ითვლება თქვენი გვერდის გამოხმაურების სისწრაფეშ (responsiveness).

  1. შექმენით პასუხები ხშირად დასმული შეკითხვებისთვის

ასეთი პასუხები დაგეხმარებათ, რომ მარტივად უპასუხოთ ხშირად დასმულ კითხვებს.

როგორ შევქმნათ ხშირად დასმული კითხვები და მისი პასუხები მესენჯერისთვის:

  1. მონიშნეთ “inbox” გვერდის დასაწყისში.
  2. მენიუს მარცხენა ნაწილიდან მონიშნეთ ავტომატური პასუხები.
  3. დააწექით ხშირად დასმულ კითხვებს.
  4. შემდეგ რედაქტირებას.
  5. დაამატეთ შეკითხვა და მიუთითეთ სასურველი პასუხიც.
  6. სურვილისამებრ: დააწექით სურათის დამატებას, რათა კომპანიის ლოგო ან სურათიც დაიტანოთ. ასევე შეგიძლიათ CTA ღილაკის დამატებაც, მაგალითად „Learn More, Shop Now”.
  7. დეტალების დასამატებლად აირჩიეთ პერსონალიზაცია, სადაც შეძლებთ შეიყვანოთ მომხმარებლის სახელი, ადმინის სახელი ან თქვენი საიტის ლინკი.
  8. შეინახეთ თქვენი პასუხი.

  1. შექმენით ავტომატური მესიჯები არასამუშაო საათებისთვის

თუ მომხმარებელი თქვენს ბიზნესს არასამუშაო საათებში მომართავს ან სოციალური მედია მენეჯერი არ არის ხელმისაწვდომი კონკრეტული მომენტისთვის, შეგიძლიათ მას სპეციალური შეტყობინებებიც დაუტოვოთ. გამოიყენეთ ეს მესიჯები, რათა მომხმარებელს შეატყობინოთ, როდის იქნებით ხელმისაწვდომი ან მაგალითად, როდის გაიხსნება მაღაზია.

როგორ შევქმნათ მესიჯები არასამუშაო საათებისთვის:

  1. გადადით მთავარ პარამეტრებში და შემდეგ მესიჯების სექციაში.
  2. ჩამოდით ქვევით და აირჩიეთ ავომატური პასუხების დაყენება.
  3. მონიშნეთ “Away Messages”.
  4. მესიჯის დასარედაქტირებლად აირჩიეთ შესაბამისი ღილაკი. დაწერეთ სასურველი ტექსტი, რომლის გაგზავნაც მომხმარებლისთვის გსურთ.
  5. მონიშნეთ და შეინახეთ ის დროები, როდესაც ადგილზე არ იქნებით.

Facebook Messenger-ის სამართავი ხელსაწყოები

ფეისბუქ მესენჯერის დაყენების შემდეგ უკვე დაიწყებთ შეტყობინებების მიღებას. ამ საკომუნიკაციო არხის გამოყენება შესაძლოა დიდ და შრომატევად საქმიანობად მოგეჩვენოთ, მაგრამ სწორი ხელსაწყოების გამოყენების შემთხვევაში, ამ პროცესის სრული ავტომატიზაციაც არის შესაძლებელი.

თქვენი მარკეტინგული სტრატეგიების მასშტაბის მიხედვით, შესაძლოა განსხვავებული პლატფორმების შერჩევა მოგიწიოთ სოციალური მედიის სამართავად.

Sparkcentral

Sparkcentral არის მომხმარებელთა მომსახურების გრაფა, რომლის გამოყენებაც სხვადასხვა სოციალურ მედიაში გამართული დიალოგების სამართავადაა შესაძლებელი.

მისი ინტეგრაცია შესაძლებელია არაერთ პლატფორმასთან. მაგალითად:

  • Facebook Messenger
  • Facebook
  • Instagram
  • Twitter
  • WhatsApp
  • Viber
  • SMS
  • Email

რჩევები Facebook Messenger-ის გამოყენებისთვის

  1. მაქსიმალურად მიმართეთ პერსონიფიკაციას

იმის საჩვენებლად, რომ მომხმარებლებს აფასებთ და თითოეული მათგანი თქვენთვის მნიშვნელოვანია, მცირედი პერსონალიზაციაც კი საკმარისია.

ფეისბუქის გლობალური გამოკითხვის მიხედვით, რომელიც რვა გლობალურ ბაზარზე ჩატარდა, მომხმარებელთა 91%-მა აღნიშნა, რომ ისინი უფრო მეტად ისეთი ბრენდებისგან ყიდულობენ პროდუქციას, რომლებიც მათ სცნობენ, ახსოვთ და უზიარებენ საინტერესო ინფორმაციას.

მას შემდეგ, რაც პირველად გამოგიგზავნით ვინმე შეტყობინებას, დაიწყეთ მათი ბექგრაუნდის შემოწმება. გადახედეთ ძირითად ინფორმაციას, მათ ადგილმდებარეობას. ეს ინფორმაცია შეიძლება სხვადასხვა დროს დაგეხმაროთ. გამოიყენეთ ის, რათა მომხმარებელს მუდმივად სათანადო პასუხები გასცეთ.

დიალოგისას ჩაინიშნეთ რელევანტური და მნიშვნელოვანი საკითხები - ეს შეიძლება მოიცავდეს ზომებს, სასურველ მახასიათებლებს ან რაიმე სხვა სახის დეტალებს. შემდეგში, როდესაც ვინმე დაგიკავშირდებათ, გადახედეთ წინა დიალოგებს. ამან შესაძლოა დიდი დროც წაგართვათ, თუმცა ძალიან დიდ განსხვავებას მოგცემთ.

თუკი ავტომატურ პასუხებს იყენებთ, მაშინ დარწმუნდით, რომ აუცილებლად გაქვთ შეტანილი პერსონალიზაციის ელემენტები.

  1. გამოიმუშავეთ “Responsive Badge”

ბიზნესები, რომლებიც დროულად ეხმაურებიან მომხმარებლებს, საკუთარ გვერდზე სპეციალურ „Responsive badge”-ს იღებენ. მის მისაღებად საჭიროა, რომ ბიზნესი სულ მცირე 15 წუთში სცემდეს მომხმარებელს პასუხს და გამოხმაურების მაჩვენებელი 90%-ს შეადგენდეს.

  1. სტრატეგიულად მიუდექით მესიჯების 24 საათიან ფანჯარას

ფეისბუქი ზღუდავს ბიზნესებისთვის იმას, თუ რამდენად ხშირად შეუძლიათ მათ მესენჯერის დახმარებით მისწვდნენ მომხმარებელს. ბიზნესს შეუძლია, ვინმეს დაუკავშირდეს ან დაეკონტაქტოს მხოლოდ მას შემდეგ, რაც მისგან მესიჯს მიიღებს.

მესიჯის მიღებიდან საპასუხოდ თქვენ 24 საათი გაქვთ. ამის შემდეგ, ფეისბუქი ბიზნესებს მხოლოდ ერთი მესიჯის გაგზავნის უფლებას აძლევდა. თუმცა, 2020 წლის 4 მარტიდან ეს ფუნქცია აქტიური აღარ არის. ამჟამად, ერთადერთ საშუალებას დასპონსორებული მესიჯების გაგზავნა წარმოადგენს, რაც მხოლოდ არსებული და უკვე შემდგარი დიალოგებისთვის არის შესაძლებელი.

24 საათის განმავლობაში ბიზნესებს შეუძლიათ, ნებისმიერი რაოდენობის მესიჯები გაგზავნონ, მათ შორის სარეკლამო კონტენტიც. დარწმუნდით, რომ 24 საათის განმავლობაში ახერხებთ გაყიდვების დახურვას. მაგალითად, თუ ბოლო წუთამდე მომხმარებლის გადაწყვეტილება ბუნდოვანია, შესაძლოა პრომო კოდმაც ყველაფერი გადაწყვიტოს.

  1. გამოიყენეთ „Send Message” ღილაკი

ბიზნესებს არ შეუძლიათ დიალოგის წამოწყება მომხმარებლებთან, თუმცა შეუძლიათ მათ ამისკენ უბიძგონ.

ამისათვის ერთ-ერთ გზას წარმოადგენს ფეისბუქის პოსტებზე მესიჯის გაგზავნის ღილაკის დაყენება. პროცესი შედარებით კომპლექსურია, თუმცა შედეგის მომტანი.

როგორ დავამატოთ შეტყობინების გაგზავნის ღილაკი ფეისბუქ პოსტებს:

  1. ფეისბუქის ბიზნეს გვერდიდან აირჩიეთ პოსტის შექმნა.
  2. დააწექით მესიჯების მიღებას.
  3. შეიყვანეთ სასურველი ტექსტი და რელევანტური სურათი.
  4. დააწექით გამოქვეყნებას.

5. სცადეთ ფეისბუქ მესენჯერის რეკლამები

ალტერნატიული გზა ფეისბუქის მესენჯერში დიაოგების წამოსაწყებად არის რეკლამა. რეკლამისთვის განსხვავებული ფორმატები და განთავსების ადგილებია ხელმისაწვდომი:

მესენჯერის რეკლამაზე დაკლიკება

ასეთი რეკლამები ტიპურად დასპონსორებულ პოსტებს წარმოადგენენ, რომლებსაც შესაბამისი CTA ღილაკიც ახლავთ. ის შესაძლოა, ფეისბუქის ნებისმიერ აპლიკაციაში გამოუჩნდეს მომხმარებელს. რეკლამაზე დაკლიკების შემთხვევაში მომხმარებელს პირდაპირ თქვენი ჩათი ეხსნება.

რეკლამის განთავსება

მესენჯერის რეკლამა ჩნდება მომხმარებლის „inbox”-ში, ჩათებთან ერთად. მასზე დაკლიკების შემთხვევაში მომხმარებელი სრულ რეკლამას ნახულობს სპეციალური ღილაკით “Shop Now”, რომელიც პროდუქციის შეძენისკენ მოუწოდებს მას.

მესენჯერის “Story” რეკლამები

ასეთი ტიპის რეკლამები ხვდება სთორიში, როდესაც მომხმარებელი საკუთარი მეგობრების ან ბრენდების სთორებს ათვალიერებს. მისი გამოყენება ამჟამად მხოლოდ ინსტაგრამის საშუალებით არის შესაძლებელი.

დასპონსორებული მესიჯები

დასპონსორებული მესიჯები მომხმარებელთა ჩათში ჩნდება - ისეთ მომხმარებელთან, რომელთანაც უკვე გქონდათ გამართული დიალოგი. ეს შესანიშნავი საშუალებაა მომხმარებელთან ხელახალი ჩართულობისთვის, განსაკუთრებით 24 საათიანი ფანჯრის დახურვის შემდეგ.

  1. შექმენით ფეისბუქის მესენჯერის ბოტი

არაერთი მიზეზი არსებობს, რატომაც ფეისბუქის მესენჯერის ბოტის შექმნა შესაძლოა თქვენი ბიზნესისთვის მიზანშეწონილი აღმოჩნდეს. თუ საკმარისი დრო არ გრჩებათ სოციალური მედიისთვის, მაშინ ბოტი გაცილებით გაგიმარტივებთ მომხმარებელთან ურთიერთობას.

ზოგიერთ ბრენდს ბოტის პერსონაც ჰყავს შექმნილი. მაგალითად, კომპანია WesJet-ს ჰყავს შექმნილი ბოტი სახელად Juliet, რომელიც მომხმარებელთა შეტყობინებებს პასუხობს. ბოტისათვის სახელისა და სახის მიცემით კომპანიის მიმართ სიმპათია 24%-ით გაიზარდა.

ბოტის გამოყენება ფეისბუქ მესენჯერის მარკეტინგული აქტივობებისთვისაცაა შესაძლებელი. სადღესასწაულო სეზონისთვის Lego-მ შექმნა Ralph the Gift Bot - სასაჩუქრე ბოტი, რომელიც მომხმარებელს საჩუქრების შერჩევაში ეხმარებოდა. რეკლამაზე დაკლიკების შემდეგ, რალფი მომხმარებელს გარკვეულ შეკითხვებს უსვამდა - მაგალითად, ვისთვის იყო საჩუქარი განკუთვნილი და შესაბამისად გასცემდა რეკომენდაციებს. რალფის სარეკლამო უკუგება 3.4-ჯერ უფრო მაღალი იყო, ვიდრე ლეგოს სხვა სარეკლამო კამპანიების დროს.

ასევე დაგაინტერესებთ:

ფეისბუქის სარეკლამო კამპანიის 11 დანიშნულება და მათი გამოყენება

რამ შეიძლება გამოიწვიოს რეკლამის უარყოფა ფეისბუქზე

როგორ მუშაობს Facebook ალგორითმი 2021 წელს

სმს მარკეტინგი

ეფილიეიტ მარკეტინგი