ფეისბუქის სარეკლამო კამპანიის სტრუქტურა 2021 წლისთვის - გზამკვლევი

აპრილი 09, 2021

ფეისბუქის სარეკლამო კამპანიის სტრუქტურა 2021 წლისთვის - გზამკვლევი

ფეისბუქის სარეკლამო კამპანიის დასაწყებად უამრავი გზა, მეთოდი და დანიშნულება არსებობს და სწორედ ამიტომ, ის ხშირად შესაძლოა დამაბნეველიც აღმოჩნდეს.

ფეისბუქის სარეკლამო კამპანიის დასაწყებად უამრავი გზა, მეთოდი და მიზანი არსებობს და სწორედ ამიტომ, ის ხშირად შესაძლოა დამაბნეველიც აღმოჩნდეს.

თითოეული კამპანიის დანიშნულება, მიზანი, თარგეთირების ფუნქციები და სხვადასხვა შესაძლებლობები, A/B, იგივე Split ტესტირება და კიდევ უამრავი რამ.

მაგრამ რომელია მათ შორის საუკეთესო სტრუქტურა ფეისბუქის სარეკლამო კამპანიისთვის? რომელ მიდგომას იყენებენ საუკეთესო სააგენტოები და ფეისბუქ ექსპერტები?

არსებობენ ადამიანები, რომლებიც ათობით კამპანიას ახორციელებენ ერთდროულად და ასევე არიან მარკეტოლოგები, რომლებიც მაქსიმუმ სამი კამპანიით შემოიფარგლებიან.

ეს ყველაფერი ინდივიდუალურია და ისე უნდა მიიღოთ გადაწყვეტილება, როგორც თქვენი ბიზნესისთვის იქნება შესაფერისი და რელევანტური. თუმცა, ამის გარკვევასაც დრო და ძალისხმევა სჭირდება, შესაბამისად გადავწყვიტეთ, ჩვენი გამოცდილება გაგვეზიარებინა.

სტატიაში პასუხებს შემდეგ კითხვებზე იპოვით:

  • როგორ ავაგოთ ფეისბუქის სარეკლამო კამპანიის სტრუქტურა?
  • როგორ შევარჩიოთ სწორი დანიშნულება კამპანიისთვის?
  • რომელ მოქმედებებს უნდა მოარგოთ თქვენი კამპანია?
  • რომელი სამიზნე აუდიტორიით უნდა დავიწყოთ?
  • როგორ შევურჩიოთ სახელი კამპანიასა და რეკლამებს სწრაფი რეპორტინგისთვის?

ამ პროცესში ძალიან ბევრი შეცდომის დაშვებაა შესაძლებელი, ამიტომ მაქსიმალურად უნდა ვეცადოთ, ისინი თავიდან ავირიდოთ.

როგორი სტრუქტურა შევიმუშავოთ ფეისბუქის რეკლამისთვის?

გთავაზობთ რჩევებს საუკეთესო პრაქტიკებიდან და გამოცდილებიდან გამომდინარე:

  • შექმენით მცირე ოდენობის კამპანიები ფართო აუდიტორიით
  • მიენდეთ ფეისბუქის ალგორითმს, აწარმოოს თარგეთირება და იპოვოს თქვენთვის ოპტიმალური ჯგუფი
  • დიდი ძალისხმევა დაუთმეთ კრეატიული რეკლამების შექმნას

ერთი რამ არ უნდა დაგავიწყდეთ: ნუ გამოიყენებთ იგივე სტრუქტურას ფეისბუქის კამპანიისთვის, რომელიც თქვენი Google Ads-ისთვის გაქვთ გამოყენებული. ეს უბრალოდ არ იმუშავებს!

გთავაზობთ ერთ-ერთ ყველაზე ეფექტურ სტრუქტურას ფეისბუქის სარეკლამო კამპანიის ასაგებად:

  • შექმენით კამპანიები თითოეული ქვეყნის ან რეგიონისთვის
  • განაცალკევეთ კამპანიები უკეთესი რემარკეტინგისა და მონიტორინგის საწარმოებლად.

კამპანიის მსვლელობისას ოთხი მთავარი ეტაპი უნდა გაითვალისწინოთ და კამპანიაც მათ მოარგოთ:

შექმენით ცალკეული სარეკლამო კამპანია თითოეული ბაზრისთვის

სხვადასხვა ქვეყნისთვის ან რეგიონისთვის განსხვავებული კამპანიების შემუშავებას გარკვეული გონივრული მიზეზები გააჩნია:

  1. ქვეყნები განსხვავებული სარეკლამო ხარჯებით ხასიათდებიან

თითო კლიკი ამერიკაში შესაძლოა ხუთჯერ უფრო ძვირი ღირდეს, ვიდრე ლიტვაში. თუ ორივე ქვეყნისთვის ერთ კამპანიას გამოიყენებთ, მაშინ ფეისბუქი კამპანიის ბიუჯეტის 80%-ს ლიტვაზე გაანაწილებს, ვინაიდან თითო შედეგის მიღება იქ გაცილებით იაფი იქნება.

  1. გაგიმარტივდებათ რეპორტინგი და ბიუჯეტირება

სხვადასხვა ბაზრისთვის, ქვეყნისთვის განსხვავებული კამპანიები ასევე გაცილებით იოლს გახდის მის შეფასებას, რადგან მაშინვე შეძლებთ გაარჩიოთ, თუ რომელი ბაზარი უფრო მომგებიანია.

გარდა ამისა, შეძლებთ, მარტივად განსაზღვროთ თითოეული კამპანიისთვის განკუთვნილი ბიუჯეტი.

  1. არ აგერევათ კამპანიები

თუ სხვადასხვა ქვეყნებისთვის ერთსა და იმავე კამპანიას შეარჩევთ, შესაძლოა ძალიან ბევრი განსხვავებული რეკლამა და სარეკლამო დიზაინი დაგიგროვდეთ.

განსაკუთრებით მაშინ, თუ რეკლამის ადგილობრივ ენაზე მორგება გსურთ, უმჯობესია თითოეული ბაზრისთვის ცალკეული კამპანიების შექმნაზე იზრუნოთ.

როგორ გამოიყურება კამპანიის ეფექტური სტრუქტურა?

თითოეული ქვეყნისათვის, ბაზრისათვის უნდა გქონდეთ შემდეგი სარეკლამო კამპანიები:

  • პოტენციური მომხმარებლების კამპანია
  • რემარკეტინგის კამპანიები
  • ბრენდის ცნობადობის კამპანია
  • ხელახალი ჩართულობის გამომწვევი კამპანია

როდესაც საქმე ბიუჯეტის განაწილებაზე მიდგება, უმჯობესია:

  • პოტენციური მომხმარებლების კამპანია: 60-80%
  • რემარკეტინგის კამპანიები: 20-30%
  • ბრენდის ცნობადობის კამპანია: 0-10%
  • ხელახალი ჩართულობის გამომწვევი კამპანია: 0-10%

ყველა თქვენი საყვარელი ბრენდი ერთ აპლიკაციაში. მოიძიეთ, შეინახეთ, შეიძინეთ Klarna-სთან ერთად,“

აღნიშნული მაგალითი პოტენციური მომხმარებლების დონის კამპანიას წარმოადგენს. მოდით თითოეული კამპანიის მაგალითებს და რამდენიმე იდეას გავეცნოთ.

პოტნეციური მომხმარებლების კამპანიის სტრუქტურა

პოტენციური მომხმარებლების მოსაძიებელი კამპანიის მთავარი დანიშნულება ფართო აუდიტორიასთან დაკავშირება და პოტენციურად დაინტერესებული ადამიანების მოზიდვაა.

ამ ადამიანებს ჯერ არ სმენიათ თქვენი პროდუქტის ან ბრენდის შესახებ, შესაბამისად საჭიროა ეს ცივი აუდიტორია მომხმარებლებად გარდაქმნათ.

ძირითადად, ამ დონის კამპანიებისთვის, სარეკლამო მასალა აუდიტორიას პროდუქტის გამოყენების სარგებელს წარუდგენს და აჩვენებს, თუ როგორ გამოიყურება ის. როგორც ამ ორი მაგალითის შემთხვევაში:

Asana - დაემშვიდობეთ მეილებს, კალენდარს, ჩანაწერებს, სტატუსის განახლებებს და გაეცანით ასანას“

„Revolut- შექმენით ანგარიში რამდენიმე წუთში, მიიღეთ ვირტუალური ბარათი და იშოპინგეთ ონლაინ. მყისიერი შეტყობინებები, ფულადი ტრანზაქციები საზღვარგარეთ.“

თუ თქვენი პროდუქტის შეძენის ბარიერი ძალიან დაბალია, მაგალითად ის უფასო მობილური აპლიკაციაა ან სულაც ონლაინ მაღაზისთვის ქმნით რეკლამას, პოტენციური მომხმარებლების მოსაძიებელი კამპანია პირველივე ეტაპზე ბევრ ახალ მომხმარებელს მოგიყვანთ.

თუკი თქვენი პროდუქტი შედარებით გრძელვადიანი შესყიდვების ციკლით ხასიათდება, მაგალითად პროგრამული უზრუნველყოფა ან B2B პროდუქტია, მაშინ ამგვარი რეკლამები არა ერთ ლიდს შემატებს თქვენს ვებ-გვერდს,  რომელთა კონვერტაციაც შემდომი რემარკეტინგის კამპანიებით შეგეძლებათ.

პოტენციური მომხმარებლების კამპანიის სარეკლამო სტრუქტურა

წარმოგიდგენთ გავრცელებულ სარეკლამო სტრუქტურას ამ ეტაპისთვის:

  • აქ გვაქვს ორი სარეკლამო წყობა: ერთი ფართო აუდიტორიისთვის, ხოლო მეორეც მსგავსი (1-5%) აუდიტორიისთვის.
  • ორივე მათგანს ზუსტად ერთი და იმავე ოდენობის რეკლამები გააჩნია

ხშირად შესაძლებელია, სარეკლამო წყობისთვის სპეციალური ინტერესების მიხედვით შექმნილი აუდიტორიების დამატებაც (სპეციალურად კონკრეტული ჯგუფისთვის განკუთვნილი რეკლამა).

ფართო აუდიტორიაში კი ნამდვილად ფართო აუდიტორია იგულისხმება, როგორც წესი მისი ათვლა ერთი მილიონიდან იწყება (თუმცა, თქვენი მასშტაბებიც და ბაზარის გასათვალისწინებელია).

მაგალითად, თუ მობილურ აპლიკაციას ვარეკლამებთ, შეგვიძლია სამიზნე აუდიტორიად მივუთითოთ ადამიანები 18-55 წლის ფარგლებში, კონკრეტული ქვეყნის მასშტაბით და მივანდოთ ფეისბუქს რეკლამის ოპტიმიზაცია - ყველაზე რელევანტური ადამიანების პოვნა.

პოტენციური მომხმარებლების მოსაძიებელი კამპანიის საუკეთესო დანიშნულებებად მიიჩნევა ის, რომელიც ყველაზე მეტად დაგეხმარებათ თქვენი მიზნის მიღწევაში. მაგალითად:

  • თუ მომხმარებლის მოყვანა გსურთ ვებ-გვერდამდე, მაშინ საუკეთსო იქნება „Traffic” დანიშნულება.
  • თუ მომხმარებლისგან კონკრეტულ ქმედებას ელოდებით, მაგალითად შესყიდვა, აპლიკაციის ჩამოტვირთვა, მაშინ ოპტიმალური იქნება „Conversion” - კონვერსიის დანიშნულება.

მაგალითი: რეკლამების დაგეგმილად მიწოდება vs. 24/7 მიწოდება

გთავაზობთ ერთ-ერთ კომპანიაზე ჩატარებულ ტესტს, რომელმაც ROAS-ის (უკუგება სარეკლამო ხარჯებიდან) 300%-იანი სხვაობა აჩვენა.

მაგალითი ამერიკული SaaS (Software as a Service) კომპანიას ეხება. სატესტო პერიოდს წარმოადგენდა ორშაბათი-ხუთშაბათი. დაკვირვება ორი კვირის განმავლობაში მიმდინარეობდა.

კვირა 1: გამოყენებულ იქნა ყოველდღიური ბიუჯეტი რეკლამის მიწოდების კალენდრის გარეშე.

კვირა 2: გამოყენებულ იქნა „Lifetime” ბიუჯეტი, ხოლო რეკლამის მიწოდება დაიგეგმა ორშაბათი-პარასკევი, 08:00 – 18:00 საათების პერიოდში. (საერთო დახარჯული ბიუჯეტი შედარებით მაღალია)

როგორც ცხრილიდან ხედავთ, რეკლამები, რომლებიც ყოველდღიურად იმართებოდა ყველანაირი შეზღუდვის გარეშე, უფრო მაღალ ROI (Return on Investment) აჩვენებენ.

 

 

 

 

  • ზოგჯერ უფრო მაღალ ROAS არა სამუშაო საათებში მიიღება.
  • უმჯობესია, სარეკლამო კამპანიები რაც შეიძლება ფართო იყოს, ხოლო რეკლამის მიწოდება რაც შეიძლება ნაკლები შეზღუდვით ხდებოდეს.

ამგვარი ტესტი კიდევ არა ერთ ბაზარზე ჩატარებულა და შედეგებიც ანალოგიური ყოფილა.

ფეისბუქის რემარკეტინგის კამპანიების სტრუქტურა

რემარკეტინგის სტრატეგიები ცდილობს ისეთ ადამიანებს მიწვდეს, რომლებმაც უკვე იხილეს თქვენი საინტი ან რაიმე გზით გამოთქვეს ინტერესი თქვენი ბრენდის/პროდუქტის მიმართ.

ამ კამპანიის მიზანი მსგავსი თბილი აუდიტორიის რეალურ მომხმარებლად გადაქცევაა.

წინა კამპანიისგან განსხვავებით, სარეკლამო მასალა აქ შესაძლოა განსხვავებული იყოს. ამ ეტაპზე თქვენ მომხმარებელს გარკვეული სტიმული უნდა მისცეთ, რომ პროდუქტი შეიძინოს ან რეგისტრაცია გაიაროს.

მაგალითად, შესთავაზოთ მათ 20%-იანი ფასდაკლება, როგორც ამას უამრავი კომპანია აკეთებს.

ყველაზე ოპტიმალური და ეფექტური აუდიტორია, რომელიც ფეისბუქის ამ კამპანიისთვის შეგიძლიათ გამოიყენოთ, არის იმ ადამიანთა ჯგუფი, რომლებიც თქვენს ვებ-გვერდს გასული 30 დღის განმავლობაში ეწვივნენ.

თუმცა, რა თქმა უნდა, სხვა ბევრი აუდიტორიაც არსებობს, რომელთა შეტანაც რემარკეტინგის კამპანიაში შეგიძლიათ. ასეთია:

  • ადამიანები, რომლებმაც ვიდეო რეკლამის 50%-ს უყურეს.
  • ადამიანები, რომლებმაც პროდუქციის ფასები დაათვალიერეს.
  • მომხმარებლები, ვინც დაიწყო რეგისტრაციის პროცესი, თუმცა ვერ/არ დაამთავრა
  • ადამიანები, რომლებმაც კონკრეტული გვერდი ან სტატია იხილეს.

კამპანიის სარეკლამო სტრუქტურა რემარკეტინგისთვის

წარმოგიდგენთ გავრცელებულ სარეკლამო სტრუქტურას ამ ეტაპისთვის:

  • გვაქვს თითო კამპანია თითო ქვეყნისთვის: ამგვარად შეძლებთ თითოეული ქვეყნის შდეგების შეფასებას
  • ყველა სარეკლამო წყობა შეიცავს ერთი და იმავე რეკლამას, თუმცა თუ კონკრეტული ლენდინგ გვერდის მნახველებთან დაკავშირებას ცდილობთ, რეკლამა შესაძლოა განსხავებულიც იყოს.

რემარკეტინგის სარეკლამო კამპანიების შექმნისას ყველაზე ეფექტურ დანიშნულებას კონვერსია წარმოადგენს. ასევე ხშირად გამოიყენება ტრაფიკისა და მიღწევადობის (რიჩის) დანიშნულებაც.

რჩევა: „რიჩის“ - მიღწევადობის დანიშნულება გამოსადეგია მაშინ, თუ დიდი რემარკეტინგის ან ხელახალი ჩართულობის აუდიტორია გყავთ, საიდანაც უმრავლესობა თქვენი მომხმარებელი გახდება.

იმისათვის, რომ სამიზნე აუდიტორიის თითოეულ წევრს მიწვდეთ, შეგიძლიათ, სარეკლამო კამპანიის ოპტიმიზაცია „ყოველდღიური უნიკალური რიჩის“ ფუნქციას მოარგოთ. ამგვარად, ფეისბუქი თქვენს აუდიტორიას რეკლამას დღეში მხოლოდ ერთხელ აჩვენებს, მიუხედავად იმისა, თუ რამდენად მაღალია მათი კონვერტაციის შანსები.

რემაკრეტინგის სარეკლამო კამპანიის სიხშირე

რემარკეტინგის სარეკლამო წყობა, როგორც ჩანს, ყველაზე მომგებიანია. მისი ROI შესაძლოა ათჯერ უფრო დიდი იყოს, ვიდრე პოტენციური მომხმარებლის მოსაძიებელი კამპანიები.

შესაბამისად, რემარკეტინგის კამპანიისთვის უფრო მეტი ბიუჯეტის განაწილებაზეც იფიქრებთ.

თუმცა, პრობლემა იმაში მდგომარეობს, რომ რემარკეტინგის აუდიტორიისთვის შეზღუდული ოდენობა გეძლევათ და თუკი კამპანიის ფარგლებში დიდი ოდენობით ბიუჯეტის დახარჯვას მოისურვებთ, მაშინ ფეისბუქი ერთსა და იმავე რეკლამას, ერთსა და იმავე ადამიანებს უჩვენებს, თანაც რამდენჯერმე.

შესაძლოა, ხშირად რეკლამის ნახვის სიხშირემ თითო ადამიანისთვის ორ კვირიან პერიოდში დღეში 10-საც კი მიაღწიოს. რაც ნიშნავს იმას, რომ საშუალოდ თქვენი აუდიტორია რეკლამას ათჯერ ან უფრო მეტჯერ ხედავს.

თუმცა, ეს შესაძლოა სრულიად ნორმალურიც კი იყოს.

ხშირად შეგვხვდება ისეთი შემთხვევები, როდესაც ორ კვირიან პერიოდში ასეთ მაღალ სიხშირეს მაინც დადებითი ROI მაჩვენებლები მოაქვს. ის არ გაზრდის თქვენს სარეკლამო ხარჯებს.

შესაძლოა, ზოგიერთ ადამიანს მცირედით თავიც კი მოაბეზროთ, თუმცა რემარკეტინგის აუდიტორიისთვის რეკლამის ხშირად წარდგენას სარგებელი მაინც მოაქვს.

ფეისბუქის კამპანიის სტრუქტურა ბრენდის ცნობადობისა და ხელახალი ჩართულობისთვის

ამ კამპანიებზე ვრცლად არ ვისაუბრებთ, ვინაიდან ის წააგავს ჩვენს მიერ უკვე განხილულ ერთ-ერთ კამპანიას - პოტენციური მომხმარებლების მოსაძიებელ კამპანიას.

მთავარი განსხვავება მათ შორის არის მომხმარებლის მიერ განხორციელებული ქმედება და შედეგები, რომელსაც შეაფასებთ.

ბრენდის ცნობადობის კამპანიის დანიშნულების შერჩეევა ძალიან მარტივი და ცხადია, ვინაიდან პირდაპირ გვაქვს მოცემული დანიშნულება ამ სახელწოდებით, თუმცა ასევე შესაძლებელია ამ ეტაპისთვის ტრაფიკისა და ვიდეოს ნახვების დანიშნულების გამოყენებაც. მათ შეიძლება უკეთეს შედეგებზეც კი გაგვიყვანოს. უბრალოდ ეს თქვენს პროდუქტზე და სარეკლამო მასალაზეა დამოკიდებული.

ძალიან ხშირად, ბრენდის ცნობადობის მოსაპოვებლად გამოყენებული მასალა სწორედ ვიდეოა და თქვენ შეგიძლიათ, მისი გამოყენებისას გახვიდეთ როგორც ფართო აუდიტორიაზე, ასევე არსებულ აუდიტორიასაც მიაწვდინოთ რეკლამა, რათა შეახსენოთ მათ თქვენი პროდუქტის შესახებ.

როდესაც საქმე ფეისბუქის ხელახალი ჩართულობის კამპანიებს ეხება, ხდება არსებულ მომხმარებელთა თარგეთირება: რათა მიწოდებულ იქნას ბრენდის პოზიტიური გამოცდილება, სპეციალური შეთავაზება ან რაიმე სხვა სარგებელი.

კამპანიის სტრუქტურა რემარკეტინგული კამპანიებისთვის საკმაოდ მარტივია: თქვენ გექნებათ ერთი კამპანია თითო ქვეყნისთვის და იმდენივე რეკლამა, რამდენიც პერსონალიზებული აუდიტორია.

ამ ეტაპისთვის პოტენციურ სამიზნე აუდიტორიას წარმოადგენენ:

  • ადამიანები, რომლებმაც პროდუქცია უკვე გამოიყენეს, თუმცა მას შემდეგ 30 დღე გავიდა.
  • თქვენი ონლაინ მაღაზიის მყიდველები, რომლებსაც პროდუქცია გასული 60 დღის განმავლობაში არ შეუძენიათ.
  • ადამიანები, რომლებიც გაყიდვების გუნდს 60 დღით ადრე დაუკავშირდნენ, თუმცა პროდუქტი ჯერ არ შეუძენიათ.

მაგალითად, კომპანია COS-ის ეს რეკლამა შესაძლოა წარუდგინოთ ისეთ ადამიანებს, ვინც პროდუქცია წარსულში ფასდაკლების პერიოდში შეიძინა, თუმცა ეს არ გაუმეორებია 90 დღის განმავლობაში.

„ჩვენი საზაფხულო აქცია დაიწყო. შეიძინეთ მაღაზიებში.“

 

5 საუკეთესო პრაქტიკა ფეისბუქის დახვეწილი სარეკლამო კამპანიის სტრუქტურისთვის

ახლა, როდესაც უკვე გაეცანით ძირითადად კამპანიებს, დროა დამატებით 5 რეკომენდაციაზე ვისაუბროთ, რომლებიც დაგეხმარებათ, დახვეწოთ თქვენი სარეკლამო კამპანიის სტრუქტურა.

  1. მართეთ ერთი და იგივე კამპანია და სარეკლამო მასალა გარკვეული პერიოდის განმავლობაში.

თითოეულ ჯერზე, როდესაც ახალი აუდიტორიის დამატებას მოისურვებთ, ნაცვლად ახალი კამპანიის შექმნისა ან ახალი სარეკლამო წყობის შემუშავებისას, გადააკეთეთ არსებული მასალები.

თითოეული კამპანიის გამოყენება ხანგრძლივი პერიოდის განმავლობაში მნიშვნელოვანია ფეისქუქის ალგორითმისთვის, რათა მან მონაცემთა შესწავლა შეძლოს. თუკი ყოველ კვირას ახალ კამპანიას შექმნით, სათანადო შედეგებზე ნამდვილად ვერ გახვალთ.

  1. „ცოტა“ უფრო მეტია

მიუხედავად იმისა, რომ თქვენი აუდიტორიებისთვის 20 სხვადასხვა გასაოცარი იდეა გაქვთ, უკეთეს შედეგებს მაინც მაშინ მიიღებთ, თუ მათ რაოდენობას შეამცირებთ.

უმჯობესია, თითო სარეკლამო წყობისთვის 5-8 სარეკლამო მასალა იქონიოთ და იმ შემთხვევაში, თუ ახლის დამატება ან მოსინჯვა მოგინდებათ, დააპაუზეთ რომელიმე მათგანი.

  1. მიეცით ფეისბუქის ალგორითმს საშუალება, შეასრულოს საკუთარი საქმე

ინტერნეტში უამრავი ვიდეო ან სხვა ტიპის მასალა არსებობს იმის შესახებ, თუ როგორ გაზარდოთ ფეისბუქის სარეკლამო კამპანიის შედეგები, სადაც სხვადასხვა მეთოდებს გთავაზობენ.

თუმცა, უმეტესწილად ამგვარი ხრიკები თქვენს შედეგებს გააუარესებს, ვინაიდან, თქვენ რეკლამის მიწოდებას შეზღუდავთ, თანაც ისე, რომ არ გეცოდინებათ ეს რეალურად საჭიროა თუ არა. უმჯობესია, თუ ფეისბუქს მიანდობთ ამ საქმეს, რადგან მას უკეთ შეუძლია მონაცემთა შესწავლა და შესაბამისად, თქვენი რეკლამის ოპტიმიზაციაც.

მიუხედავად ამისა, არსებობს გამონაკლისებიც. მაგალითად, თუ ვიცით, რომ ჩვენი კომპანიის მომხმარებელთა 80% კონკრეტულ ასაკობრივ ჯგუფს მიეკუთვნება, მაშინ, რა თქმა უნდა, სამიზნე აუდიტორიას სწორედ ამ კუთხით შევზღუდავთ, რაც ჩვენი სარეკლამო ხარჯის შემცირებაშიც დაგვეხმარება.

  1. გადახედეთ ფეისბუქის რეკლამის „attribution” გრაფასაც.

­ფეისბუქი თქვენს რეკლამას მოქმედებას მიაკუთვნებს მაშინ, როდესაც მომხმარებელი რეკლამას ნახულობს ან მასზე აკლიკებს.

საწყისი პარამეტრებით, თქვენი რეკლამის ატრიბუციის გრაფა იქნება 1-დღიანი ნახვებისა და 7-დღიანი კლიკების, რაც ნიშნავს, რომ თქვენ მიკუთვნებულ მოქმედებებს ხედავთ 1 დღის შემდეგ, როდესაც ვინმე რეკლამას ნახავს, ან 7 დღის გასვლის შემდეგ, რომელიც აითვლება რეკლამაზე დაკლიკების მომენტიდან.

როგორ ვნახოთ "attribution" ფანჯარა?

  • გადადით ფეისბუქის Ads Manager-ში
  • შედით პარამეტრებში მთავარი მენიუდან
  • დააწექით „Edit” - რედაქტირების ღილაკს

  1. დაასათაურეთ ფეისბუქის კამპანიები სისტემატიურად

თუკი თქვენი სარეკლამო ანგარიში რამდენიმე საერთაშორისო კამპანიას მოიცავს, მათი ერთი შეთანხმებისამებრ და ერთი პრინციპით დასათაურება გაცილებით გაგიმარტივებთ საქმეს, რათა შესაბამისად გაიმარტივოთ რეპორტინგის პროცესი.

რეკომენდებული სტრუქტურა:

კამპანიის დონე: ქვეყნის კოდი - კამპანიის ტიპი - კამპანიის დანიშნულება - ატრიბუციის ფანჯარა.

სარეკლამო წყობა: ქვეყნის კოდი - აუდიტორიის ოპტიმიზაცია.

რეკლამა: რეკლამის ნომერი - ფორმატი - კონტენტი.

 

იმედი გვაქვს, ეს სტატია გარკვეულწილად დაგეხმარებათ თქვენი ფეისბუქ კამპანიების დახვეწაში. 

 

ასევე დაგაინტერესებთ:

Apple iOS 14-ის გავლენა Facebook რეკლამაზე

რა ღირს ფეისბუქ რეკლამა 2021 წელს და რამდენი უნდა დავხარჯოთ ფეისბუქ რეკლამაში

ფეისბუქის 27 სტატისტიკა რომელიც ყველა მარკეტერმა უნდა იცოდეს

 

ეფილიეიტ მარკეტინგი