სოციალური მედიის ინტეგრაცია გაყიდვების პროცესში
აღარავის უკვირს იმის მოსმენა, რომ სოციალურ მედიაში ჩართულობა კრიტიკულად მნიშვნელოვანია გაყიდვების გასაზრდელად.
სოციალური მედია გაყიდვების წარმომადგენლებსა და ორგანიზაციებს ეხმარება, ადრეულ ეტაპებზე მოახდინონ მომხმარებლის ჩართვა გაყიდვების ციკლში, შეინარჩუნონ ურთიერთობა მიმდინარე მომხმარებლებთან, წარმოაჩინონ მათი ღირებულება და ფასეულობა. B2B სექტორში მყოფ გადაწყვეტილების მიმღებთა 87% პროდუქტისა თუ მომსახურების კვლევისთვის მნიშვნელოვან დროს ატარებს სოციალურ მედიაში.
1990-იანი წლების მსგავსად, როდესაც მყიდველები კომპანიას საიტის მიხედვით განსჯიდნენ, ახლა ისინი ყველაზე მეტად კომპანიის აქტივობას სოციალურ მედიაში აკვირდებიან. არაერთი კვლევა ადასტურებს, რომ გაყიდვების წარმომადგენლები, რომლებიც სოციალურ მედიას იყენებენ, გაცილებით წარმატებულები არიან. თუმცა, როგორ უნდა მოახდინოს ორგანიზაციამ სოციალური მედიის ინტეგრაცია მისივე გაყიდვების პროცესში? პირველ რიგში, უნდა გაანალიზოს, რომ სოციალური მედია გაყიდვები მისი მაგიური ჯოხი არ არის.
ფეისბუქის ან ლინკდინის ანგარიშის შექმნა სულაც არ ნიშნავს იმას, რომ ლიდები ავტომატურად დაიწყებენ თქვენამდე მოსვლას და გაყიდვებიც თავისთავად გაგეზრდებათ. რეალურად, თქვენ შეგიძლიათ, ასობით და ათასობით ახალი გამომწერი შეიძინოთ და საკმაოდ ღირებული კავშირებიც დაამყაროთ, მაგრამ თუ ამ შესაძლებლობების კაპიტალიზაციას ვერ მოახდენთ, სასურველ შედეგებზე ვერ გახვალთ.
სოციალური მედიის დახმარებით კომპანიებს საშუალება ეძლევათ, მიწვდნენ პოტენციურ ან არსებულ მომხმარებლებს, წარუდგინონ მათ საკუთარი ფასეულობა და მიაწვდინონ ხმა ისეთ ადამიანებს, ვისთან დაკავშირებაც აქამდე პირდაპირ არ შეეძლოთ.
სოციალური მედიის ნამდვილი ღირებულება მაშინ იჩენს თავს, როდესაც თქვენსა (ორგანიზაციას) და მყიდველს შორის სივრცეების აღმოფხვრას შეძლებთ, გაერთიანებთ სოციალურ პლატფორმებსა და გაყიდვების პროცესს. სოციალური მედიის გაყიდვებში ინტეგრირება მარტივი სულაც არ არის და დიდ ძალისხმევასაც მოითხოვს, თუმცა შედეგის მისაღებად ეს ნამდვილად ღირს.
სოციალური მედია გაყიდვების ინტეგრაცია გაყიდვების პროცესში
შეიძლება რიგ შემთხვევებში გაგიმართლოთ და რიგ შემთხვევებში არა, მაგრამ მომხმარებელი მხოლოდ თქვენი სოციალური მედია პოსტის მიხედვით არ მიიღებს შესყიდვის გადაწყვეტილებას. სოციალური მედია არ არის ახალი გზა გაყიდვებისთვის. ის მხოლოდ დამატებითი საშუალებაა იმ პროცესის ხელშესაწყობად, რომელიც გეხმარებათ, გაეცნოთ მომხმარებელთა საჭიროებებს, გააცნოთ მათი თქვენი ღირებულებები და პოზიციონირდეთ, როგორც ლიდერი.
ოთხი გზა სოციალური მედია გაყიდვების ინტეგრაციისთვის
- საჭირო დროს, საჭირო ადგილას:
სოციალური მედიის გამოყენება მრავალი დანიშნულებით არის შესაძლებელი - არა მხოლოდ პოტენციურ მომხმარებლებთან დასაკავშირებლად. გამოიყენეთ ის მომხმარებელთა კითხვებზე საპასუხოდ და მუდმივად ღირებული ინფორმაციის მისაწოდებლად. ნუ დაივიწყებთ მიმდინარე მომხმარებელსაც. მყიდველთა რიცხვის ზრდასთან ერთად, გაყიდვების წარმომადგენელს ძალიან დიდი წვლილი მიუძღვის მომხმარებელთა შენარჩუნებასა და მათ კმაყოფილებაზე ზრუნვაში.
- თანმიმდევრული შეტყობინებები
ორგანიზაციის სოციალური მედია არხები ხშირად მარკეტინგული გუნდის მიერ იმართება. თუმცა, ვინაიდან სოციალური მედია ორგანიზაციას საშუალებას აძლევს, პოტენციურ მომხმარებელს ადრეულ ეტაპებზევე დაუკავშირდეს, მნიშვნელოვანია, რომ ამ პროცესში გაყიდვების გუნდიც ჩაერთოს და საერთო სტრატეგიის შესასრულებლად ერთობლივად იმუშავონ. კრიტიკულად მნიშვნელოვანია გაყიდვებისა და ციფრული მარკეტინგის გუნდების კოლაბორაციული მუშაობა, რათა შეიქმნას თანმიმდევრული მესიჯები - განსაზღვრული პროცესი, რომელიც გაყიდვების წარმომადგენლებს ეხმარება, გამოიყენონ ციფრული მარკეტინგის კონტენტი მომხმარებელთა მოსაზიდად.
- რეგულარული ჩართულობა
ერთი სოციალური მედია პოსტით ფონს ვერ გახვალთ, რადგან მთავარი აქ ღირებულების მიწოდებაა. შექმენით ისეთი პროცესი, რომელიც გაყიდვების წარმომადგენელს საშუალებას მისცემს, მუდმივად გამოიწვიოს მომხმარებლის ჩართულობა. გთავაზობთ რამდენიმე რჩევას:
- შეადგინეთ პოსტების განრიგი;
- გამოყავით დრო ყოველდღიურად, თუნდაც 10 წუთი, რათა სოციალური მედიის ჩართულობა აამაღლოთ.
- თქვენ მიერ გაწერილ დროებში გამოეხმაურეთ პოსტებს, ტვიტებს ან მონიშვნებს (ეცადეთ 24 საათზე ნაკლებ დროში მოახერხოთ პასუხი);
- მოიძიეთ ახალი კავშირები ჰეშთეგებისა და მიმდინარე ტრენდების გამოყენებით.
- დაისახეთ ყოველკვირეული მიზნები სოციალური აქტივობებისთვის.
- დაპოსტეთ განზრახვით
განზრახვა შესაძლოა, სოციალური მედია პროცესის ერთ-ერთი უმნიშვნელოვანესი ფაქტორი აღმოჩნდეს. თუკი მომხმარებელთან დაკავშირებას ან დიალოგის გამართვას დააპირებთ, იქონიეთ მიზანი, განზრახვა - იქნება ეს ცნობადობის ამაღლება თუ სატელეფონო გაყიდვები, ყველაფერს თავისი დანიშნულება სჭირდება. ამგვარი მიზნების არსებობა დაეხმარება თქვენი გაყიდვების გუნდს მათ მიერ გამოწვეული ჩართულობის მნიშვნელობის გააზრებაში და ისინი ამ ყველაფერს მხოლოდ მოვალეობის მოხდის მიზნით არ გააკეთებენ.
ასევე დაგაინტერესებთ:
