B2B კონტენტ მარკეტინგი 2021 წელს

თებერვალი 17, 2021

B2B კონტენტ მარკეტინგი 2021 წელს

რას აკეთებს კონტენტ მარკეტინგი? როგორ აკეთებს? არის თუ არა წარმატებული?

ბოლო 11 წლის განმავლობაში კონტენტ მარკეტოლოგებს ხშირად უსვამენ შეკითხვებს: რას აკეთებს კონტენტ მარკეტინგი? როგორ მუშაობს? არის თუ არა წარმატებული?

ამ შეკითხვებზე პასუხის გაცემით ბევრი მარკეტოლოგი ახდენს გეგმების, ბიუჯეტის, პრიორიტეტების გადახედვას და განახლებას.

2020 წელს ამ შეკითხვების სიას ახალი შეკითხვა დაემატა - „როგორ პასუხობს კონტენტ მარკეტინგი პანდემიას და რა იგეგმება 2021 წლისთვის.“

გვინდა ხაზი გავუსვათ რამდენიმე მნიშვნელოვან ფაქტორს, რომელიც შვებას მოგგვრით და მიხვდებით, რომ თქვენ მარტო არ ხართ:

წარმატებისკენ მიდრეკილება

ჯერ კიდევ აპრილში, არსებობდა მოსაზრება, რომ პანდემიის ფონზე კონტენტ მარკეტინგი მარკეტინგული სტრატეგიის მთავარი ელემენტი იქნებოდა. კვლევამ აჩვენა, რომ ამ აზრს ბევრი მარკეტოლიგი იზიარებდა და მათ შესაბამისი ნაბიჯებიც გადადგეს. მარკეტოლოგების 94%-მა შეცვალა თავისი კონტენტ მარკეტინგის სტრატეგია პანდემიის გამო.

და მაინც, რა ცვლილებები განახორციელეს მათ?

ნახევარზე მეტმა შეცვალა მესიჯინგის სტრატეგია (70%), შეცვალეს სარედაქციო კალენდარი (64%), შეცვალეს კონტენტის განაწილების და პრომოციის სტრატეგია (53%).

მესამედზე ნაკლებმა ხელახლა გადახედა მყიდველების ქცევას/ყიდვის გამოცდილებას, გაზარდა მომხმარებელთან კომუნიკაციის დრო და ხელახლა შეისწავლა მყიდველის პერსონა.

და კიდევ უფრო ნაკლებმა შესწორებები შეიტანა KPI-სა და საზომ ერთეულებში.

საქმე იმაშია, რომ კონტენტ მარკეტოლოგებს მყისიერი რეაქცია hქონდათ პანდემიაზე და მალევე მოარგეს თავიანთი მესიჯინგის სტრატეგია, სარედაქციო კალენდარი და კონტენტის დისტრიბუცია ამ ვითარებას. ეს ცვლილებები მოცემულ მომენტში ყველაზე საჭირო და ეფექტური იყო.

როდესაც რაღაც განსაკუთრებული მოვლენა ხდება, რაც დიდ გავლენას ახდენს მომხმარებლებზე, სწორედ მაშინ არის დრო ახალი კვლევა ჩატარებისთვის. ასეთ დროს იცვლება პრიორიტეტები, საჭიროებები და, რა თქმა უნდა, პრობლემებიც. რესურსები შეიძლება შეიზღუდოს ან გაიზარდოს პრიორიტეტებისა და პრობლემების მიხედვით, მაგრამ თქვენ თუ არ ჩაატარებთ კვლევას, თუ როგორ შეიცვალა თქვენი მომხმარებლების ცხოვრება, მაშინ ვერ მოახერხებთ მოარგოთ თქვენი კონტენტი ახალ საჭიროებებს.

კიდევ ერთი საკითხი, რომელიც უნდა აღინიშნოს, კონტენტ მარკეტინგის პროგრამის წარმატება, ანუ ბიუჯეტური დახმარებაა, რომელიც, როგორც წესი, განისაზღვება იმის მიხედვით, თუ რამდენად აღწევთ დასახულ მიზნებს. სწორდ ამიტომ, როდესაც კონტენტ მარკეტინგის სტრატეგიაში მნიშვნელოვან ცვლილებებს ახორციელებთ, აუცილებლად უნდა დაწრმუნდეთ, შეესაბამება თუ არა დადგენილი KPI თქვენს ახალ სტრატეგიას.

ისწავლეთ საუკეთესო შემსრულებლებისგან 

კონტენტ მარკეტინგის ყოველწლიური რეპორტის ერთ-ერთი მნიშვნელოვანი ასპექტი არის დიფერენცირება იმისა, თუ რა გააკეთეს ყველაზე წარმატებულმა კონტენტ მარკეტოლოგებმა და რა არ გააკეთეს ნაკლებად წარმატებულებმა.

წელს ამ ჯგუფებს შორის განსხვავება ორ მნიშვნელოვან სფეროში გამოიხატა: მიზნები და ქმედებები.

ტოპ შემსრულებლები, გარდა ბრენდის ცნობადობისა და გაყიდვებისა, კონტენტ მარკეტინგს სხვა მიზნებისთვისაც იყენებენ:

  • 73% კვებავს/ასაზრდოებს გამომწერებს, აუდიტორიებს და ლიდებს (ნაკლებად წარამატებული მარკეტოლოგების მხოლოდ 38% აკეთებს იგივეს).
  • 64% აგენერირებს გაყიდვებს და შემოსავლებს (ნაკლებად წარამატებული მარკეტოლოგების მხოლოდ 41% აკეთებს იგივეს).
  • 60% ქმნის გამომწერების აუდიტორიას (ნაკლებად წარამატებული მარკეტოლოგების მხოლოდ 25% აკეთებს იგივეს).

ტოპ შემსრულებლების ჯგუფის მსგავსება გამოიხატება კონტენტ მარკეტინგის სტრატეგიის განხორციელებაშიც:

  • თითქმის ყველა (94%) ტოპ მარკეტოლოგი ზომავს თავის კონტენტის შესრულებას. (ნალებად წარმატებული მარკეტოლოგების მხოლოდ 60%)
  • ხუთიდან ოთხი ტოპ შემსრულებელი იყენებს სარედაქციო კალენდარს. (ნაკლებად წარმატებულების მხოლოდ ნახევარი აკეთებს ამას)

კონტენტ მარკეტოლოგები, გარდა ბრენდის ცნობადობისა და გაყიდვების სტიმულირებისა, არ უნდა ივიწყებდნენ ბიზნესის მთავარ მიზანს - მომხმარებლებთან კავშირის დამყარებას. დღეს მომხმარებლების ბრენდთან ურთიერთობის გამოცდილება ყველაზე მნიშვნელოვანი ელენეტია. ნუ გექნებათ მოლოდინი, რომ ისინი თავად გადადგამენ ყიდვისკენ მიმავალ ნაბიჯებს, დარწმუნდით, რომ მათ ბრენდის ყველა შეხების წერტილში შესაბამის კონტეტს დაახვედრებთ.

ტოპ შემსრულებლები ამას იაზრებენ და მუდმივად ასაზრდოებენ თავიანთ მომხმარებლებსა და გამომწერებს, შესაბამისად შემოსავლებსაც აგენერირებენ.

დროთა განმავლობაში უფრო და უფრო მეტი კონტენტ მარკეტოლოგი ხვდება, თუ რამდენად ღირებულია აუდიტორიებთან ძლიერი კავშირის დამყარება. ნდობის მოპოვება 2 წლის წინ მხოლოდ 68%-ს მიზანს წარმოადგენდა, დღეს მათი რიცხვი 81%-მდე გაიზარდა. ლოიალობის მოპოვება 2 წლის წინ მხოლოდ მარკეტოლოგების 54%-ის მიზანი იყო, დღეს კი 68%-ის მიზანია. ნდობასთან ერთად ლოიალობაც მოდის და თუ დღეს ეს ტოპ პრიორიტეტს არ წარმოადგენს, მაშინ დროა, თქვენი კონტენტ მარკეტინგის სტრატეგიას გადახედოთ.

რა მოხდება 2021 წელს?

CMI-ის უფროსი სტრატეგოსი რობერტ როუზი ამბობს, რომ: „საინტერესოა რა შეიძლება იყოს „ახალი ნორმა“.

სპოილერი: არავინ იცის.

და რა შეგვიძლია გავაკეთოთ?..

გახსოვდეთ „რაც ახლაა“ ვერ განსაზღვრავს „რა იქნება შემდგომ“.. უბრალოდ იფიქრეთ იმაზე, თუ როგორ განახორციელებთ ცვლილებებს ნებისმიერ ვითარებაში..“

 

ასევე დაგაინტერესებთ:

ტოპ 13 საზომი კონტენტ მარკეტინგის წარმატებისთვის

კონტენტ მარკეტინგის 25 შესანიშნავი მაგალითი

კონტენტ მეფინგი მომხმარებელთა მოგზაურობის საფუძველზე

სმს მარკეტინგი

ეფილიეიტ მარკეტინგი