სარეკლამო გაყიდვები მედიისთვის - გზამკვლევი დამწყებთათვის

თებერვალი 16, 2021

სარეკლამო გაყიდვები მედიისთვის - გზამკვლევი დამწყებთათვის

სარეკლამო გაყიდვები შესაძლოა, ძალიან კომპლექსური აღმოჩნდეს.

სარეკლამო გაყიდვები შესაძლოა, ძალიან კომპლექსური აღმოჩნდეს. იქიდან გამომდინარე, რომ ამ ინდუსტრიაში ახალი ხართ და წარმატების სურვილი გაქვთ, ალბათ, საკმაოდ ბევრი კითხვაც გექნებათ. სტატიის განმავლობაში შევეცდებით, სარეკლამო გაყიდვების საკითხი ნაბიჯ-ნაბიჯ მიმოვიხილოთ, რათა გაიაზროთ მისი სრული მასშტაბი, გაეცნოთ მოლოდინებს, მიმდინარე პროცესებს და სხვა.

სარეკლამო გაყიდვები მედიისთვის

როგორც სარეკლამო ან მედია გაყიდვების წარმომადგენელს, დიდი ალბათობით, დამსაქმებელი მედია ინდუსტრიიდან გეყოლებათ. ეს შეიძლება იყოს ჟურნალ-გაზეთი ან ონლაინ გამომცემლობა, ან შეიძლება სულაც რადიო და ტელევიზია. დაფიქრდით ამ პროცესზე: ყოველთვის, როდესაც ტელევიზიაში რაიმე რეკლამა გინახავთ, მის უკან მუდამ ყოფილა მედია გაყიდვების წარმომადგენელი, რომელმაც ეს სივრცე, ეს ადგილი ბრენდს მიჰყიდა, ვინაიდან თქვენ იყავით იმ აუდიტორიის ნაწილი, რომელთან დაკავშირებასაც დამკვეთი ცდილობდა.

დღესდღეობით, მედია ინდუსტრია რამდენიმე მნიშვნელოვანი გამოწვევის წინაშე დგას. სარეკლამო ინდუსტრიაში ცვალებადობა ყველა სხვა ინდუსტრიასთან შედარებით გაცილებით მაღალია. მედიის მოხმარება მუდმივად მიმდინარეობს და სარეკლამო გაყიდვების წარმომადგენლებს უწევთ, მუდმივად ცვალონ ის არხები და მიდგომები, რომლების საშუალებითაც ხალხის ყურადღების მიპყრობას ახერხებენ.

სამუშაო მოთხოვნები სარეკლამო გაყიდვებისთვის განსხვავდება და დამსაქმებლის ბუნებაზეა დამოკიდებული. თუმცა, ყოველდღიური დავალებები ტიპურად მომხმარებლის დარწმუნებას მოიცავს, იყიდოს ესა თუ ის სარეკლამო სივრცე. პოტენციური ღირებულების ასახსნელად საუკეთესო გზა იმ ღირებულებების წარმოჩენაა, რომელსაც თქვენი არხი სთავაზობს მომხმარებელს - ამას შემდგომში უფრო დეტალურად მიმოვიხილავთ.

სარეკლამო გაყიდვების პროცესი

სარეკლამო სივრცის კომპანიებისთვის მიყიდვა დიდ მოთმინებასა და თანმიმდევრულ დაგეგმვას საჭიროებს. ნებისმიერი სარეკლამო გაყიდვების პროცესის პირველი ეტაპი პოტენციური მომხმარებლების აქტიური ძიებაა. ეს ეტაპი, რა თქმა უნდა, ნებაყოფლობითი არ არის, თუ წარმატების მიღწევა გსურთ და საბოლოო მიზანიც შემდგომ გაყიდვების არხის აგებაა, რაც პოტენციურ მომხმარებლებთან მუდმივი კომუნიკაციის გარეშე შეუძლებელია.

პოტენციურ მომხმარებლებთან დაკავშირებისას რამდენიმე მნიშვნელოვანი ფაქტორი იჩენს თავს, არა მხოლოდ სწორი სეგმენტის თარგეთირება, არამედ გაყიდვების პოზიციონირება და სწორი დროის შერჩევა. მომხმარებელთა 64% გაცილებით მზადაა მოლაპარაკების დასაწყებად, როდესაც მათი სარეკლამო ბიუჯეტი შევსებულია.

იმისათვის, რომ საჭირო დროს დაუკავშირდეთ გადაწყვეტილების მიმღებს, გირჩევთ, რომ ეს ექვსი რჩევა გაითვალისწინოთ:

  1. განსაზღვრეთ თქვენი აუდიტორია

პოტენციური მომხმარებლების ძიება შესაძლოა, დიდ ძალისხმევას მოითხოვდეს, თუმცა სამიზნე აუდიტორიის განსაზღვრა დასაწყისთვის იდეალური იქნება. თქვენი იდეალური პარტნიორის მახასიათებლების განსაზღვრა დაგეხმარებათ, შეავიწროვოთ თქვენი ძიების არეალი და გაიგოთ, ზუსტად ვინ მოიაზრება სამიზნე აუდიტორიაში. ძიების პროცესი ძალიან ბევრ პროცედურასთანაა დაკავშირებული, ამიტომაც ნაცვლად ამ ყველაფრის საკუთარი ძალისხმევით კეთებისა, შეგიძლიათ რაიმე ხელსაწყო გამოიყენოთ და თქვენ უშუალოდ გაყიდვებზე ორიენტირდეთ.

  1. მიმართეთ პერსონალიზაციას

იმისათვის, რომ კონკურენტებისგან გამოირჩეოდეთ, სასურველია პერსონალიზაციას მიმართოთ. ზოგადი და შაბლონური მეილების გაგზავნა ვრცელი სიისთვის ეფექტური საშუალება ნამდვილად არაა. ნაცვლად იმისა, რომ გააგზავნოთ ყველასთან ერთნაირი მეილი და მათგან გამოხმაურებას ელოდოთ, დარწმუნდით, რომ თქვენი ძალისხმევა სასურველი შედეგების მომტანია. მიაწოდეთ ადამიანებს რელევანტური და საინტერესო ინფორმაცია და პერსონალიზაციის საშუალებით აგრძნობინეთ მომხმარებელს, რომ მათთან პირდაპირი დიალოგის სურვილი გაქვთ.

  1. იმოქმედეთ უთოს გაცხელებისთანავე

ბიზნესში დროულობა წყვეტს ყველაფერს. კრიტიკულად მნიშვნელოვანია, პოტენციური მომხმარებლის წინაშე მაშინ წარსდგეთ, როდესაც ის პროდუქტის შესაძენად მზადაა. იმისათვის, რომ თქვენს კონკურენტებთან შედარებით ერთი ნაბიჯით წინ იყოთ, მუდმივად ადევნეთ თვალი ბიზნესებს. არ გამოგრჩეთ სიახლეები, ახალი პროდუქტის გამოშვება, ახალი კადრები ან ინვესტიციები. თითოეულ მათგანს კიდევ დავუბრუნდებით შემდგომ ნაწილებში.

  1. აქციეთ პოტენციური მომხმარებლების ძიება ქცევად

როგორც უკვე აღვნიშნეთ, ეს ნაწილი სავალდებულოა, თუ სარეკლამო სამყაროში წარმატების მიღწევა თქვენი მიზანია. იმისათვის, რომ ეს თქვენს პრიორიტეტად აქციოთ, გირჩევთ, ყოველდღიურად გარკვეული დრო გამოყოთ და ის მეილების შექმნას, მის განახლებასა და პოტენციურ მომხმარებელთან გამოხმაურებას დაუთმოთ. ეს ძალიან მნიშვნელოვანია, ვინაიდაინ, ეს ქმნის სწორედ შესაძლებლობებს და ამის არაერთი დამადასტურებელი ფაქტი არსებობს.

არაპროდუქტიული ძიების პროცესი სარეკლამო გაყიდვებისთვის გამოყოფილი დროის დაახლოებით 50 პროცენტს გვაკარგინებს. ამიტომაც, პროდუქტიული ძიების პროცესის თქვენს ქცევად ჩამოყალიბებას შეუძლია, ეს სტატისტიკა საგრძნობლად გააუმჯობესოს. თანმიმდევრულობა ძალიან დიდ როლს თამაშობს ამ პროცესში. გირჩევთ, რომ ამისათვის ყოველდღიურად შესაფერისი დრო და ენერგია გამოყოთ.

სხვადასხვა წყაროების მიხედვით, გაყიდვების ძაბრები არის შექმნილი იმისათვის, რომ მომხმარებელთა მუდმივი ნაკადი შეინარჩუნოს. გაყიდვების წარმომადგენლები, რომლებიც პოტენციური მომხმარებლის ძიებას გარკვეულ დროს უთმობენ, გაცილებით დიდ წარმატებას აღწევენ. საუკეთესო გზა ამ პროცესის დასაგემარებლად  ყოველკვირეული გეგმის შემუშავებაა.

  1. გამონახეთ საერთო ენა

ცნობილი ფაქტია, რომ ადამიანებს მათი მსგავსი ადამიანები უფრო იზიდავენ, ამიტომაც შეასრულეთ თქვენი საშინაო დავალება და გამოიკვლიეთ ის ადამიანი, რომელთან მუშაობასაც აპირებთ. შეისწავლეთ მათი ინტერესები, სამუშაო და იფიქრეთ, როგორ დაეხმარება მათ თქვენი პროდუქტი. მანამ, სანამ ელექტრონული ფოსტით ან სატელეფონო ზარით დაკავშირებას დაიწყებთ, საჭიროა, გამოიკვლიოთ ადამიანის სოციალური მედია პროფილი, ბიოგრაფია და ლინკდინის ანგარიში, რათა უკეთსი წარმოდგენა შეიქმნათ ამ ადამიანის შესახებ. საერთო ენის გამონახვა პოტენციურ მომხმარებელთან მარტივი ურთიერთობის ჩამოყალიბებაში დაგეხმარებათ და შემდეგ უკვე თავისუფლად შეძლებთ, თქვენი მიზნებისა და საქმიანობის განხილვაზე გადახვიდეთ.

  1. თვალი ადევნეთ მათ, ვინც უარი გითხრათ

პოტენციური მომხმარებლების ძიების პროცესში მნიშვნელოვანია, რომ დაბრკოლებების მიუხედავად პოზიტიურად განეწყოთ. თუმცა, ამავდროულად საჭიროა, არც ის ადამიანები დაივიწყოთ, ვინც თქვენს შეთავაზებაზე უარი განაცხადა. ეს დაგეხმარებათ, დახვეწოთ სამომავლო პრეზენტაციები და მეტად მომზადებული იყოთ პოტენციურ დაბრკოლებებთან შესაჭიდებლად. წარმატებულ გაყიდვების წარმომადგენელს უარყოფის ფასიც კარგად ესმის. ნაცვლად იმისა, რომ უარყოფა პერსონალურად მიიღოთ, გამოიყენეთ ის, როგორც შესაძლებლობა კონსტრუქციული კრიტიკისთვის.

5 რჩევა სარეკლამო გაყიდვებში წარმატების მისაღწევად

სარეკლამო გაყიდვებში წარმატების მისაღწევად ცოტა რამ არ არის საჭირო, თუმცა ვფიქრობთ, რომ ეს ხუთი რჩევა აუცილებლად დაგეხმარებათ თქვენი შანსების გაზრდაში.

  1. დაისახეთ მიზნები

მიზნების დასახვა მნიშვნელოვანი და არსებითია სარეკლამო სამყაროში წარმატების მისაღწევად. თუ თქვენ და თქვენს გუნდს კარგად გაქვთ გააზრებული ბიზნესის მიზნები, თქვენი ძალისხმევა მათი მიღწევისკენ იქნება მიმართული. ამ პროცესში არანაკლებ მნიშვნელოვანია თქვენი შედეგების შეფასება და მონიტორინგი. ამიტომ, როდესაც ამ ნაწილზე გადახვალთ, უბრალოდ ნუ აარჩევთ KPI-ს (შესრულების მთავარი ინდიკატორები), შეარჩიეთ სპეციალურად გაყიდვებისთვის არსებული KPI. მაგალითად, თუ თვენი გაყიდვების ქვოტა $1 მილიონს შეადგენს, გაიგეთ რამდენი ზარის განხორციელება გჭირდებათ ყოველდღიურად, რომ სასურველ შედეგზე გახვიდეთ?

ახალი სტრატეგიის შემუშავება გამოუსადეგარი ხდება მაშინ, თუ არ არსებობს მისი თვიდან თვემდე შეფასების საშუალება. გაეცანით თქვენი ბიზნესისთვის, ინდუსტრიისთვის არსებულ სპეციფიკურ საზომებს და მოარგეთ ის თქვენი ბიზნესის გეგმებს.

  1. 80/20 წესი

80/20 წესი, ასევე ცნობილი, როგორც პარეტოს პრინციპი, გვეუბნება, რომ არსებობს  ურთიერთკავშირი ეფექტსა და მისგან მიღებულ შედეგებს შორის 80%-20%-ია. სარეკლამო სამყაროში, მაგალითად, თქვენი გაყიდვების მოცულობის 80% მიღებული იქნება რეკლამის განმთავსებლების 20%-ისგან. შესაბამისად, უმჯობესი იქნება ისეთი სტრატეგიის შემუშავება, რომელიც თქვენს ძალისხმევასა და რესურსებს მომხმარებელთა საუკეთესო 20%-ისკენ მიმართავს. თუმცა, ყოველთვის იფიქრეთ იმ გზებზე, რომლებიც უფრო მაღალი მაჩვენებლების მიღებაში დაგეხმარებათ.

  1. სწავლა სიბერემდე

მიუხედავად იმისა, თუ რამდენი ხანი მოღვაწეობთ სარეკლამო ინდუსტრიაში, ყოველთვის საზრიანი იქნება, თუ დამატებით რეგულარულ ტრენინგებსა და სწავლას გააგრძელებთ. ეს ახალი და ცოცხალი იდეების გენერირებაში დაგეხმარებათ. ტრენინგები შესაძლოა, ძველი პრობლემების გადაჭრის გზების მოძებნაშიც დაგეხმაროთ. სწავლის გაგრძელება გუნდის წარმატების ერთ-ერთი საწინდარია. ტრენინგები გაყიდვების შესახებ შესაძლოა, ძალიან მნიშვნელოვანი იყოს, განსაკუთრებით კოლაბორაციული მუშაობისას წამოჭრილი პრობლემების მოსაგვარებლად.

  1. პრაქტიკა

მოირგეთ გუნდური როლი. შეიძლება, სულელურად ან უსიამოვნოდ ჟღერდეს, მაგრამ გუნდურობაზე მუშაობა მანამ, სანამ რეკლამის განმთავსებლების წინაშე პრეზენტაციით წარსდგებით, ძალზედ მნიშვნელოვანია და გრძელვადიან ვადაში წამრატების საწინდარია. ჯგუფური სავარჯიშოები დაგეხმარებათ რთული დიალოგების გამკლავებასა და პრობლემების გადაჭრის გზების მოძებნაში. შემდეგში, როდესაც გაყიდვების წარმომადგენელი ყურმილს მოიმარჯვებს, ის უკეთესად იქნება მომზადებული შესაძლო დაბრკოლებებისა და შეკითხვებისთვის.

  1. იყავით რელევანტური

ერთადერთი გზა, რომ ნამდვილად სარეკლამო გაყიდვების პროაქტიული წარმომადგენელი გახდეთ, არის მიმდინარე მოვლენებისთვის მუდმივი თვალყურის დევნება. გაეცანით სიახლეებს ბრენდებისა და კომპანიების შესახებ. საჭროა იცოდეთ, ვინ იღებს აქ გადაწყვეტილებებს, ვის შეუძლია შესყიდვის განხორციელება და ვინ არიან მათი პარტნიორები. ამგვარად, თქვენ არცერთი მნიშვნელოვანი ცვლილება არ გამოგრჩებათ და შეძლებთ, თქვენი პოტენციური მომხმარებლის ენაზე ისაუბროთ.

სარეკლამო გაყიდვების საყურადღებო სიგნალები

ბაზარზე რამდენიმე მნიშვნელოვანი მოვლენა არსებობს, რომლებიც პოტენციური სარეკლამო შესაძლებლობების სიგნალია. როგორც უკვე აღვნიშნეთ, კრიტიკულად მნიშვნელოვანია, რომ მუდმივად ავყვეთ განახლებებს, თვალი მივადევნოთ მათ, რათა კონკურენტებზე ერთი ნაბიჯით წინ ვიყოთ. საყურადღებო ცვლილებათა სიას მიეკუთვნება:

  1. ახალი CMO-ს (მარკეტინგის აღმასრულებელი დირექტორი) დანიშვნა ან მნიშვნელოვანი ცვლილება მარკეტინგულ პერსონალში

ახალი მენეჯერის დანიშვნა იმის მაუწყებელია, რომ კომპანია მზად არის დამატებთი ხარჯები და ძალისხმევა გაიღოს მისი მარკეტინგული პროცესების გასაუმჯობესებლად და ხელი შეუწყოს ახალი წამოწყებებს. ახლად დანიშნული მენეჯერები ძირითადად იწყებენ არსებული სისტემების შეფასებას და შემდგომი 3-12 თვის გნამავლობაში ძირეულ ცვლილებეს ახორციელებენ.

  1. ახალი სააგენტო ან სააგენტოთა ცვლილებები

სააგენტოს ცვლილება არის ის შესაძლებლობა, რომელსაც გაყიდვების წარმომადგენელი ხელიდან არ უნდა უშვებდეს. როდესაც ახალი სააგენტო ჩნდება, ეს წარმოშობს ახალი კამპანიების, გაზრდილი სარეკლამო ხარჯებისა და ბრენდების წინ წამოწევის შესაძლებლობას. ახლად დაქირავებულ სააგენტოს ძირითადად სტრატეგიის ცვლილება და გაზრდილი დანახარჯები მოჰყვება. მათზე მუდმივი თვალყურის დევნება არსებითად მნიშვნელოვანია, თუ გსურთ იცოდეთ, თუ ვინ არის სარეკლამო ბიუჯეტის განმკარგველი და როდის/როგორ შეძლებთ მასთან დაკავშირებას.

  1. ხარჯების ცვლილება

მნიშვნელოვანია რეკლამის დამკვეთებს მაშინ დაუკავშირდეთ, როდესაც მათი ბიუჯეტი შევსებულია. მაგრამ რა მიგვანიშნებს იმაზე, რომ ისინი ხარჯების გასაღებად არიან მზად?

მაგალითად, ახალი პროდუქტის გამოშვება ან ახალი კამპანია ყოველთვის ასოცირდება მის ფართო აუდიტორიაზე გატანასთან, რასაც რასაკვირველია, შესაბამისი ბიუჯეტი და ძალისხმევა სჭირდება. როდესაც მსგავსი სახლეების შესახებ შეიტყობთ, ეს თქვენი ოქროს შესაძლებლობაა, დაუკავშირდეთ მათ და თქვენთვის სასურველ შეთანხმებას მიაღწიოთ.

ამ პროცესში ყველაზე მნიშვნელოვანი დაგეგმვისა და შესყიდვის პერიოდების გააზრებაა, რათა დარწმუნდეთ, რომ ზუსტად საჭირო დროს გადიხართ კონტაქტზე. არაფერია იმაზე უარესი, ვიდრე დამკვეთთან დაკავშირება მხოლოდ იმის გასაგებად, რომ მათ საჭირო ბიუჯეტი არ გააჩნიათ. სწორედ ამიტომ, შესყიდვებისა და დაგეგმვის ტრენდებზე თვალის მიდევნება ქმნის მაგიურ შესაძლებლობას ეფექტური კომუნიკაციისთვის.

  1. დაგეგმვის პერიოდები

სასურველია, ერიდოთ დროის კარგვას ისეთ პოტენციურ მომხმარებლებზე, რომლებიც არ არიან შესყიდვის განსახორციელებლად მზად ან არ გააჩნიათ საკმარისი ბიუჯეტი. საკუთარი ძალისხმევით ახდენთ სავაჭრო გამოცემების მონიტორინგს, თუ რაიმე კონკრეტულ პროგრამებში დებთ ინვესტიციებს, რომლებიც მუდმივად გაწვდით სიაახლებს, იმის ცოდნა, თუ როდის არის კომპანია მზად გაიღოს სარეკლამო ხარჯები, კონკურენტებთან შედარებით მნიშვნელოვან უპირატესობას მოგიტანთ.

თუ პოტენციურ კლიენტებთან ურთიერთობა და მათი აღმოჩენა წარუმატებლად მიმდინარეობს, ვინაიდან ბრენდებთან ბიუჯეტის განაწილების შემდეგ იწყებთ კომუნიკაციას, საჭიროა მოვლენებს წინ გაუსწროთ და ისეთ მომხმარებლებთან დაიჭიოთ ურთიერთობა, რომლებიც ბიუჯეტის განაწილებაზე იღებენ გადაწყვეტილებას და მთელი ძალისხმევა მათკენ მიმართოთ.

გაყიდვების დაუმარცხებელი სტრატეგიის შექმნა

დავუშვათ, ერთი კვირა გავიდა და თქვენ უკვე იცით იმ სიგნალების შესახებ, რომლებსაც ყურადღება უნდა მიაქციოთ და როგორც ჩანს, თქვენმა საოცნებო კლიენტმა მარკეტინგის ახალი მენეჯერი დაიქირავა. რას მოიმოქმედებდით? გთავაზობთ სამ რჩევას შეუდარებელი სტრატეგიის შესაქმნელად, რომლებიც პოტენციური მომხმარებლების ყურადღების მიპყრობაში დაგეხმარებათ.

  1. იმეილ მარკეტინგის ოპტიმიზაცია

აღმასრულებელი დონის მენეჯერები მუდმივად დაკავებულები არიან, ამიტომაც პირველადი კავშირის დამყარება ურთულესია. სხვადასხვა წყაროების მიხედვით, ბიზნეს ზარების 97% ხმოვან შეტყობინებებზე მისამართდება. როდესაც ზარს არავინ პასუხობს, გაყიდვების წარმომადგენლები ძირითადად ელექტრონულ ფოსტას მიმართავენ. საშუალოდ, გაყიდვების წარმომადგენლები კვირაში 13 საათს სწორედ ელექტრონულ ფოსტას უთმობენ. ამიტომაც, ჩვენ დაგეხმარებით, ეს საათები მაქსიმალურად პროდუქტიული გახადოთ.

დღის ბოლოს წარმატება წვრილმან დეტალებზე დაკვირვებიდან და იმის ცოდნიდან გამომდინარეობს, თუ რა მიიქცევს პოტენციურ მომხმარებელთა ყურადღებას. კვლევების თანახმად, ელექტრონული ფოსტის მიმღებთა 35% წერილს “Subject” ველის მიხედვით ხსნის. ამიტომაც, გთავაზობთ ოთხ რჩევას, როგორ აქციოთ თქვენი დანიშნულების ველები იდეალურ მესიჯად.

  • იყავით ლაკონურები
  • ითამაშეთ ემოციებით
  • იყავით კონკრეტული
  • მიმართეთ პერსონალიზაციას
  1. ჩაატარეთ კვლევა

როგორც აღვნიშნეთ, გამოხმაურების მისაღებად საჭიროა, პერსონალიზაციას მიმართოთ და თქვენი მესიჯი არ იყოს ზოგადი. სანამ პოტენციურ მომხმარებელს დაუკავშირდებოდეთ, უმჯობესია, თუ საშინაო კვლევას ჩაატარებთ და გაიგებთ, ვისთან გაქვთ შეხება და როგორ შეძლებთ მის დახმარებას. კვლევები გვიჩვენებს, რომ გაყიდვების წარმომადგენელთა 88% პროცენტი არ არის სათანადოდ მომზადებული გაყიდვების ზარისთვის. როგორ უნდა მოვემზადოთ და უფრო მეტიც, გამოვირჩეოდეთ სხვა გაყიდვების წარმომადგენლებისგან?

გაყიდვების წარმატებულ წარმომადგენლებს, როგორც წესი, სპეციალური ხელსაწყოები გააჩნიათ, რომლებიც პოტენციური მომხმარებლებთან კომუნიკაციაში ეხმარებათ. მსგავსი ხელსაწყოების კატეგორიებს მიეკუთვნება პროგრამები, რომლებიც ადამიანთა სოციალური პროფილების მიხედვით ადგენენ მათთვის სასურველ საკომუნიკაციო არხებს და დამატებით მახასიათებლებს. ეს კი საშუალებას გაძლევთ, დაადგინოთ, რა გზებით და როგორ იქნება მათთან დაკავშირება უფრო მომგებიანი.

ბრენდის სარეკლამო კამპანიების, ლენდინგ გვერდების, ბიუჯეტური დეტალებისა და შესყიდვების სტრატეგიის შესწავლით, ბრენდებს დაანახებთ, რომ თქვენი საშიანო დავალება შესრულებული გაქვთ.

 

  1. შექმენით ეფექტური იმეილ მოდულაცია

მას შემდეგ, რაც შეისწავლით თქვენი პოტენციური მომხმარებლების საჭიროებებს და გაიგებთ, როგორი სახის კომუნიკაციის დამყარება იქნება ეფექტური, დროა იმეილ ტექსტის შექმნაც დაიწყოთ.

თქვენი იმეილ მარკეტინგი უნდა იყოს ლაკონური, ღირებული და კონკრეტულ მიზანს ემსახურებოდეს. დაჟინებული მუშაობა და შეუპოვრობა მედია გაყიდვებში წარმატების მისაღწევად უმნიშვნელოვანესი თვისებაა. ეს იმიტომ, რომ სტატისტიკურად გაყიდვების 80% სულ მცირე ხუთ გამოხმაურებას (follow-up) საჭიროებს. მიუხედავად ამისა, გაყიდვების წარმომადგენელთა 44% პირველივე ცდაზე ყრის ფარ-ხმალს. იდეალური იმეილ მოდულაცია სულ მცირე სამი მეილისგან შედგება, თუ, რა თქმა უნდა, გამოხმაურების მიღებაც გსურთ. მაგალითისათვის, შეგვიძლია სამი წერილი წარმოგიდგინოთ. წერილები, რომლებიც ეფექტური იმეილ მოდულაციის ნაწილს წარმოადგენენ.

#1 მეილი: საწყისი კონტაქტი

მოგესალმებით (კლიენტის სახელი),

ვინაიდან თქვენ ახალ სარეკლამო წამოწყებებს გეგმავთ და შესაძლო თანამშრომლობისთვის ეძებთ ორგანიზაციებს, რომელებიც თქვენს ხედვასა და მიზნებს შეესაბამებიან - გვსურს უნიკალური შესაძლებლობა წარმოგიდგინოთ. მიმაგრებულ ფაილად შეძლებთ იხილოთ გრაფა, რომლის დახმარებითაც გაეცნობით, ვინ ვართ ჩვენ და როგორ დავხმარებივართ თქვენს მსგავს კომპანიებს. გექნებათ სულ რაღაც 15 წუთი მომდევნო კვირას რომ გავისაუბროთ?

#2 მეილი: გამოხმაურება #1

მოგესალმებით (კლიენტის სახელი),

ადამიანები, რომლებიც გვიკავშირდებიან მათი სარეკლამო და მედია საჭიროებების აღმოსაფხვრელად, ხშირად ჩვენთან თანხვედრაში არ მოდიან. თუმცა, თქვენი ძირითადი აუდიტორია სწორედ ის კატეგორიაა, რომელთან მუშაობის ძალიან დიდი გამოცდილება გვაქვს. ქვემოთ მოცემულია იმ კომპანიების მახასიათებლები, რომლებთანაც გვითანამშრომლია და თქვენი მსგავსი მიზნები ჰქონიათ.

„მახასიათებლები“

ხვალ, შუადღეს, რამდენად მისაღები იქნება მცირედი გასაუბრება?

#3 მეილი: გამოხმაურება #2

გამარჯობა (კლიენტის სახელი),

გვსურდა, ეს მეილი თქვენს სათავეში მოქცეულიყო. ვინაიდან, თქვენს გუნდს ახალი CMO შეემატა და მეოთხე კვარტალში სარეკლამო ხარჯების განაწილებას გეგმავთ, გვაინტერსებდა გაგვეგო, გვექნებოდა თუ არა შესაძლებლობა წამრმოგვედგინა, თუ როგორ შეუძლია "ორგანიზაციას", დაგაკავშიროთ თქვენს სამიზნე აუდიტორიასთან უნიკალური გზებით?

მიჰყევით რამდენიმე მარტივ რჩევას და თვალ-ყური ადევნეთ ბაზარზე გაჩენილ სიგნალებს, რათა თქვენს კონკურენტებზე მუდმივად ერთი ნაბიჯით წინ აღმოჩნდეთ და გადაწყვეტილების მიმღებ პირებს საჭირო დროს დაუკავშირდეთ. გაყიდვებში მთავარი მაინც დროულობაა. კრიტიკულად მნიშვნელოვანია პოტენციური მომხმარებლის წინაშე წარდგომა, როდესაც ისინი თქვენს მოსასმენად მზად არიან. ნუ დაგავიწყდებათ, გამოიყენოთ პერსონალიზაციის მეთოდები, რომელიც ჩვენს სტატიაში მიმოვიხილეთ და გახადოთ თქვენი მიდგომა უნიკალური.

ასევე დაგაინტერესებთ:

იმეილ მარკეტინგის 11 ხელსაწყო, რომელიც დროისა და ფულის დაზოგვაში დაგეხმარებათ

 

ეფილიეიტ მარკეტინგი