ჩვენ ციფრული ეპოქის სამყაროში ვცხოვრობთ. მსოფლიოს პოპულაციის ნახევარზე მეტი უკვე აქტიურად იყენებს ინტერნეტს. გარდა ამისა, მსოფლიოში იმატებს სმარტფონების, ტაბლეტებისა და სხვა მობილური მოწყობილობების მოხმარება კვლევების ჩასატარებლად, ადამიანებთან ურთიერთობისთვის, საკომუნიკაციოდ და აზრების გასაზიარებლად - ამ ყველაფრის შედეგად კი ყალიბდება მსყიდველობითი გადაწყვეტილებებიც.

ახალი და ინოვაციური ტექნოლოგიები მუდმივად იჩენენ თავს და ვითარდებიან ამ ციფრულ სამყაროში. მასთან ერთად ვითარდებიან ბიზნესები, ბრენდები და ციფრული მარკეტოლოგებიც. ამიტომ საჭიროა, რომ ჩვენც მივყვეთ ამ ცვლილებებს და მუდმივად ვეცადოთ, ფეხი ავუბათ განვითარებას, შევისწავლოთ ახალი უნარები და მოვემზადოთ მომავლისთვის.

დღესდღეობით, ბიზნესების 76% მის დამოკიდებულებასა და ურთიერთობას ტექნოლოგიებთან თუ ციფრულ ტრანსფორმაციასთან საშუალო ან საშუალოზე მაღალ დონეზე აფასებს. ეს იმაზე მეტყველებს, რომ თითოეული ბრენდი თუ ბიზნესი, რომელიც ვერ შეძლებს, დაეწიოს ციფრულ განვითარებას, ალბათ ბაზარზეც ვერ გაძლებს დიდ ხანს.

რას ნიშნავს ეს? განსაკუთრებით კი მარკეტოლოგისთვის? ძირითადად ეს გულისხმობს იმას, რომ თუ თქვენ მომავალ მზარდ და კონკურენტულ ბაზარზე მყარად გსურთ პოზიციებს შენარჩუნება, აუცილებელია დასაწყისშივე სწორი მიმართულებით განვითარდეთ და სათანადო კურსებიც შეარჩიოთ ციფრული მარკეტინგის შესასწავლად. ეს საშუალებას მოგცემთ, საფუძვლიანი ცოდნა მიიღოთ და სათანადოდ განავითაროთ თქვენი კარიერა.

ციფრული მარკეტინგის კურსის მნიშვნელობა

დღევანდელ ბიზნეს სამყაროში ციფრული უნარების განვითარება კრიტიკულად მნიშვნელოვანი ხდება. ბიზნესების თითქმის მეოთხედი მიიჩნევს, რომ მის კომპანიაში არსებული ციფრული უნარების ნაკლებობა საგრძნობლად უშლის ხელს ბიზნესის განვითარების პოტენციალს. ციფრული მარკეტინგის ეფექტური კურსის საშუალებით, თქვენ ხდებით კონკურენტული ადამიანი საჭირო უნარჩვევებით.

ციფრული მარკეტინგის სწორი კურსი არა მარტო მყარი საფუძვლის შენებაში დაგეხმარებათ ამ სფეროს თითოეული დისციპლინისთვის, არამედ ის იმ საჭირო პერსონალურ აქტივებსაც შეგძენთ, რომლებიც გრძელვადიანი კარიერული წარმატების მიღწევაში შეგიწყობთ ხელს.

ციფრული მარკეტინგის კურსები საშუალებას გაძლევთ, სწავლების ტემპი თქვენზე მოირგოთ და შესაბამისად განვითარდეთ. ეს პროფესია მოითხოვს იყოთ „სწავლას მოწყურებული“ ადამიანი, რადგან კურსის გავლის შემდეგაც, თუ გრძელვადიანი წარმატების შენარჩუნება გსურთ, აუცილებლად დაგჭირდებათ მუდმივად გაეცნოთ სიახლეებს ამ სფეროში და აითვისოთ ახალ-ახალი და თანამედროვე პრაქტიკები. პროფესიის შესწავლა სრულიად დამოუკიდებლადაა შესაძლებელი.

გამუდმებით ახალი პრაქტიკების ათვისება და გამოცდილებების მიღება არა მხოლოდ ციფრული მარკეტინგის კარიერის განვითარებაში დაგეხმარებათ, არამედ თქვენს სამოტივაციო დონესაც აამაღლებს პერიოდულად. რაც ყველაზე მთავარია, ციფრული მარკეტინგი ვრცელდება საძიებო სისტემების ოპტიმიზაციაზე (SEO), კონტენტ მარკეტინგზე, სოციალურ მედია მარკეტინგზე, იმეილ და ეფილიეიტ მარკეტინგზეც - რაც შესანიშნავი საშუალებაა, შეისწავლოთ სფერო საფუძვლიანად და პარალელურად გადაწყვიტოთ, რომელი მიმართულებაა თქვენთვის ყველაზე მიმზიდველი.

პროფესიონალური სერთიფიცირების სარგებელი

თანამშრომლების დაკარგვის 80% მათი დაქირავებისას მიღებულ არასწორ გადაწყვეტილებებთანაა დაკავშირებული. ამ მონაცემის გათვალისწინებით, დამსაქმებლები პროფესიონალურ სასერთიფიკაციო პროგრამებს მნიშვნელოვან ალტერნატივად მიიჩნევენ უნივერსიტეტის ან კოლეჯის ხარისხისთვის, რადგან ის ხაზს უსვამს კანდიდატის ციფრულ წიგნიერებასა და უნარჩვევებს.

ციფრული მარკეტინგის კურსის  წარმატებით დასრულებით თქვენ ადასტურებთ თქვენს შესაძლებლობებსა თუ უნარებს და ამტკიცებთ, რომ გაქვთ შესაბამისი ცოდნა ამ სფეროში და მზად ხართ განაგრძოთ სწავლა. ციფრული მარკეტინგის პროფესიონალურ სერთიფიცირებას არაერთი სარგებლისა და სიკეთის მოტანა შეუძლია თქვენთვის, მაგალითად:

• პროფესიონალური აღიარება: ციფრული მარკეტინგის სასერთიფიკაციო პროგრამა თქვენს პოტენციურ დამსაქმებელს შეუქმნის წარმოდგენას, რომ თქვენ ფლობთ საჭირო უნარებს და შეესაბამებით მაღალ პროფესიულ სტანდარტებს.
• ხარისხის დასტური: დამსაქმებელთა 90% მიიჩნევს, რომ სერთიფიცირებული პროფესიონალების დაწინაურების შანსები გაცილებით მაღალია. გარდა ამისა, მათი 89% ფიქრობს, რომ ასეთი ადამიანები უკეთესად ართმევენ სამუშაოს თავს.
• ინდუსტრიის საფუძვლიანი ცოდნა: როგორც უკვე აღვნიშნეთ, ინდუსტრიული აღიარების სერთიფიკატის მოპოვება თქვენ ღირებულ კვალიფიკაციას გძენთ, მაგრამ ის დამატებით ამ ნიშის შესახებ სიღრმისეულ ცოდნასაც გაწვდით და კონკრეტული სფეროს სპეციალისტად გაქცევთ, რაც დღევანდელ ციფრულ სამყაროში შეუფასებელია.

შეჯამება

და მაინც: „მჭირდება ციფრული მარკეტინგის კურსის გავლა კარიერის დასაწყებად?“ - დიახ, გჭირდებათ!

მართალია, ძალიან ბევრი რესურსი ციფრული მარკეტინგის შესახებ შეგიძლიათ სრულიად უფასოდ მოიძიოთ და შეისწავლოთ ამ სფეროს პრინციპები, განსაკუთრებით კი ახლა - Digitalnews.ge-ის არსებობის შემდეგ, თუმცა ციფრული მარკეტინგის კურსი თქვენი კარიერული განვითარების შანსებს საგრძნობლად გაზრდის და ისეთ უნარებსაც შეგძენთ, რომელიც სამომავლოდ ყოველ ეტაპზე გამოგადგებათ. ამიტომ, თუ თქვენი კარიერის საუკეთესო სტარტს ეძებთ, იმ უნარების შეძენა და იმ შესაძლებლობების შეძენა, რომელიც პროფესიონალურ აღიარებას მოგანიჭებთ, კრიტიკულად მნიშვნელოვანი იქნება.

ასევე დაგაინტერესებთ:

რატომ ხდება ციფრული მარკეტერის პროფესია პოპულარული და როგორ შევისწავლოთ ის?

სოციალური მედია მენეჯერების 10 საჭირო უნარი