Display რეკლამები - გზამკვლევი

სექტემბერი 09, 2021

Display რეკლამები - გზამკვლევი

რას ეწოდება დისფლეი რეკლამა? როგორ მუშაობს ის? როგორ შეიძლება მისი ოპტიმიზაცია? სტატიიდან გაიგებთ ყველაფერს, რაც საჭიროა

რას ეწოდება დისფლეი რეკლამა? როგორ მუშაობს ის? როგორ შეიძლება მისი ოპტიმიზაცია? სტატიიდან გაიგებთ ყველაფერს მის შესახებ - რას წარმოადგენს დისფლეი რეკლამა, რა უნდა გავითვალისწინოთ მისი კამპანიების შექმნისას, როგორ და რატომ უნდა დანერგოთ ის თქვენი ციფრული მარკეტინგის სტრატეგიაში, როგორ გაზარდოთ მისი დახმარებით შემოსავლები და ბრენდი.

რას ეწოდება დისფლეი (Display) რეკლამა?

დისფლეი რეკლამა წარმოადგენს საჩვენებელ რეკლამას, რომელიც არის სურათი ან ვიდეო და რომელსაც ადამიანები საიტების, აპლიკაციების, სოციალური მედიის ან სხვა არხების თვალიერებისას ნახულობენ.

ის შეიძლება იყოს ნებისმიერი ციფრული სარეკლამო ფორმატის, გარდა ფასიანი საძიებო და აუდიო რეკლამებისა.

მარკეტოლოგების ასეთი ტიპის რეკლამებს მომხმარებლის სრული მოგზაურობის განმავლობაში იყენებენ - ამაღლებენ ბრენდის ცნობადობას, აცნობენ მომხმარებლებს კონკრეტულ პროდუქტებს, შეთავაზებებს, ფასდაკლებებს, აპლიკაციებს, კონტენტსა და სერვისებს. დისფლეი რეკლამები შესაძლოა იყოს როგორც სტატიკური, ასევე ანიმაციური და ვიდეოს ტიპის.

 

იცოდი, რომ Youtube-ზე ქართულენოვანი რეკლამის გაშვება შესაძლებელია?

 

ასეთი ტიპის რეკლამები ძირითადად ასოცირდება ძაბრის სათავეში გამოსაყენებელ მარკეტინგთან, სადაც მომხმარებლისთვის ბრენდის გაცნობა უპირველესი და უმნიშვნელოვანესია.

როდის გამოიყენება დისფლეი რეკლამები?

ნებისმიერ დროს. მათი ღირებულება მომხმარებლის თითოეულ სტადიაზე მნიშველოვანია.

ძაბრის სრული პროცესის განმავლობაში, Display რეკლამები ყველა ეტაპზე ფიგურირებს, დააკვირდით:

ცნობადობა

დისფლეი კომპონენტები მოიცავენ პროგრამულ რეკლამას, სოციალურ მედიას, ვიდეო სტრიმინგსა და მათ შორის იუთუბს.

ასეთი რეკლამების შეძენა ხშირად დაბალი დანახარჯებით (CPM) ხდება და მისი მიზანი ძაბრის სათავის გაფართოებაა. ამას კი რეკლამა ბრენდის, მისი პროდუქტის, ან სერვისის პრომოციით ახდენს.

ჩართულობა

არხები მეტწილად იგივე რჩება, თუმცა შეიმჩნევა ისეთი რეკლამების უგულვებელყოფა, რომლებიც კონკრეტულად აღმოჩენაზე და კონვერსიაზე არ არის ორიენტირებული.

განხილვა

თქვენი სარეკლამო თარგეთირება ძირითადად შეიცავს განზრახვის გარკვეულ ელემენტებს, იქნება ეს პოტენციურ მომხმარებელთან თუ რეთარგეთირების მასშტაბთან დაკავშირებით.

მაგალითად, Google-ის რეკლამების პერსონალიზებული აუდიტორიები საშუალებას გაძლევთ, მომხმარებელს ანიმაციური, სტატიკური ან ვიდეო რეკლამა მიაწოდოთ მოძიებული ვებ-გვერდების, მონახულებული ადგილებისა და ჩამოტვირთული აპლიკაციების მიხედვით.

 

Admixer Trade Desk - ლოკალური, ქართულ საიტზე საბანერო/ვიდეო განთავსებისთვის

 

კონვერსია

ზოგადად, დისფლეი რეკლამირება აქ მთავრდება - სადაც ყველაზე ხშირად რეკლამა ისეთ ადამიანებს უჩნდებათ, რომლებმაც ინტერესის მაღალი დონე გამოხატეს (მაგალითად, მიატოვეს სავაჭრო კალათა ან მოინახულეს სხვა საკმაოდ ღირებული გვერდი თქვენს საიტზე).

ლოიალური მომხმარებლები (ბრენდის ადვოკატები)

არსებული მომხმარებლები შესაძლოა ბიზნესის საგანძურებიც კი გახდნენ, ვინაიდან ისინი შეიძლება იქცნენ ბრენდის ამბასადორებად ან მოიწვიონ ახალი მომხმარებლები პერიოდულად.

დისფლეი რეკლამირება შესანიშნავი გზაა მათთან მჭიდრო კავშირის შესანარჩუნებლად. რისთვის გჭირდებათ ეს? როდესაც დადგება შესაფერისი მომენტი , თქვენ იქნებით პირველი, ვინც მათ გაახსენდებათ და შესაბამისად, მეგობარს ან ოჯახის წევრსაც გაუწევენ რეკომენდაციას.

Display რეკლამების შეფასება და ოპტიმიზაცია

Display რეკლამების პერფორმანსის შეფასება შესაძლოა ბევრი კომპანიისთვის დამაბნეველი და რთული აღმოჩნდეს, განსაკუთრებით კი მათთვის, ვინც მოკლევადიან, შემოსავლებზე დაფუძნებულ საზომებზე არიან ორიენტირებულნი. ეს იმიტომ, რომ ამ ტიპის რეკლამები ძაბრის სათავეში უფრო მეტად გამოიყენება.

მიუხედავად ამისა, მცირედი დაგეგმარების საშუალებით, ნამდვილად შესაძლებელია წარმატების მიღწევა და გრძელვადიანი სარგებლის მიღება.

შეფასების გეგმისას რამდენიმე ფაქტორი უნდა გაითვალისწინოთ:

ანგარიშის სტრუქტურა და სახელთა კონვენციები

სწორი იერარქიისა და ნომენკლატურის დადგენა წარმატებული შეფასების საწინდარია.

კამპანიის სახელების, სარეკლამო ჯგუფების, რეკლამების სახელებისა და სეგმენტების სტრუქტურიზებით, თქვენ საშუალება გეძლევათ არსებული მონაცემები ფრაგმენტებად დაყოთ და მისი ვიზუალიზაცია და გამოყენება გაცილებით მარტივი გახადოთ.

ეს ყველაფერი კი საშუალებას გაძლევთ, გადაწყვეტილებები უფრო ეფექტურად მიიღოთ და განსაზღვროთ, თუ რომელი რეკლამები და როგორი თარგეთირება მუშაობს უკეთ.

 

Display And video 360 - გლობალური პლატფორმა, ნებისმიერი აპისა და საიტისთვის

 

გაითვალისწინეთ დაინტერესებული მხარეები

დაინტერესებული მხარეების გათვალისწინებით იმის განსაზღვრა, თუ როგორ გამოიყურება წარმატება, უმთავრესია.

მანამ, სანამ დისფლეი რეკლამებს გამოიყენებდეთ, განსაკუთრებით ძაბრის სათავეში, გირჩევთ:

  • გამოყოთ KPI (შეფასების მექანიზმები) რეკომენდაციები.
  • ახსნათ მათი გამოყენების მიზეზი
  • მკაფიოდ ჩამოწეროთ და განსაზღვროთ ყველაფერი.

გარდა ამისა, განსაზღვრეთ ის ვადებიც, რომელთა გასვლის შემდეგაც წარმატების მიღწევას და შედეგების დანახვას მოელით.

ძალიან ხშირად, დაინტერესებული მხარეების უკმაყოფილების მიზეზი ნაკლები ან არასწორი კომუნიკაცია შეიძლება გახდეს. ამიტომ ამის დასაწყისშივე გათვალისწინება საგრძნობ უპირატესობას მოგანიჭებთ.

ხელახლა განსაზღვრეთ წარმატება

ძაბრის სათავეში პირველ ფაზას ცნობადობის ფაზა წარმოადგენს. ამ დროს მეტწილად კლიკებზე აგებული KPI - საზომები გამოიყენება, რათა მაქსიმალურად იქნას შეფასებული აუდიტორიამდე მიღწევადობა და ბრენდის ცნობადობის ამაღლება.

ჩართულობის ფაზა მარკეტოლოგებისთვის ხშირად სუსტ წერტილს წარმოადგენს. თუმცა, საბედნიეროდ, არსებობს რამდენიმე საზომი, რომელიც დისფლეი რეკლამების გავლენას ააშკარავებს.

მათ შორის არიან:

  • ბრენდის ძიების სიხშირის მატება
  • ორგანული და ფასიანი საძიებო CTR-ის ცვლილება
  • პირდაპირი ვიზიტორები
  • ლიდების ოდენობის ცვლილება

რეკლამაზე დაკლიკების შემდეგ კიდევ რჩება ისეთი დიალოგები და შეხების წერტილები, რომელთა ეფექტურად მართვას ძაბრის სათავისა და ძირის დაკავშირება შეუძლია.

გარდა საბოლოო შესყიდვისა, კიდევ რა ინდიკატორები მიუთითებს იმაზე, რომ მომხმარებელი დაინტერესებულია იმით, რასაც თქვენ სთავაზობთ? რა შეიძლება მიანიშნებდეს განზრახვაზე?

მაგალითად:

  • საიტზე დაყოვნებული დრო
  • სტატიების ნახვა
  • სიახლეების გამოწერა
  • ძირითადი გვერდების ნახვა (მაგ: ფასები)

მეორეს მხრივ კი ნეგატიური სიგნალი შეიძლება იყოს საიტის დატოვება 5 წამში.

და იმ შემთხვევაში, თუ თქვენ B2B ბიზნესს ფლობთ, მაშინ შეფასების მექანიზმები თქვენს პარტნიორებზე უნდა იყოს მორგებული. მაგალითად:

  • საერთო მიღწეული პარტნიორობები
  • შეხების წერტილები (უშუალოდ ორგანიზაციის შიგნით)
  • პარტნიორის ჩართულობა
  • გავლენიანი შესაძლებლობები
  • ლიდი-კონვერსიის კოეფიციენტი
  • დღეების რაოდენობა ლიდიდან მომხმარებლად ქცევამდე.

გამართეთ და გამოიყენეთ ტექნიკური უნარები/ხელსაწყოები ეფექტური რეკლამების სამართავად

ანალიტიკური პლატფორმები, სარეკლამო პლატფორმები, მარკეტინგული ავტომატიზაციის ხელსაწყოები, CRM, თეგების მენეჯერი და სხვა ტექნიკური კომპონენტები სარგებლის მომანია თქვენი ბიზნესისთვის.

თქვენი კომპანია ასეთი მიმართულებების განვითარებაში საკმაო ინვესტიციას უნდა დებდეს. გამოიკვლიეთ, შეისწავლეთ, რა სარგებელს მოუტანს თითოეული მათგანი თქვენს კომპანიას და შეარჩიეთ რამდენიმე მათგანი.

მაგალითად:

ანალიტიკა (Google Analytics)

კონვერსიები > მრავალარხიანი ძაბრები. აქ ნახავთ რამდენიმე რეპორტს, მათ შორის განვლილი გზის ხანგრძლივობას და მოდელების შედარების ხელსაწყოსაც.

სარეკლამო პლატფორმები (Google Ads)

კონვერსიისთვის საჭირო დროის გამოთვლა გამოსადეგია იმის გასაგებად, თუ რა დრო სჭირდება საშუალოდ ახალი მომხმარებლის მოზიდვას. ეს ინფორმაცია შემდგომში შესაძლოა გამოყენებულ იქნას დაინტერესებული პირებისთვის მოლოდინების შესაქმნელად.

მარკეტინგული ავტომატიზაცია

დისფლეი რეკლამების არაერთი მეთოდია ეფექტური. ნებისმიერი შესაძლებლობა, რომელიც მათი ინტეგრაციის საშუალებას იძლევა ავტომატიზაციის პლატფორმებთან, აუცილებლად უნდა გამოიყენოთ. მაგალითად, LinkedIn-ისთვის, არსებობს „ერთი კლიკით სინქრონიზაციის“ ფუნქცია, რათა პლატფორმის მონაცემებით პირდაპირ ლინკდინის რეკლამა შეიქმნას.

CRM (B2B)

UTM პარამეტრების გამოყენების მეშვეობით და დაფარული ფორმების დახმარებით, მარკეტოლოგებს შეუძლიათ, გაარკვიონ, თუ რა იწვევს დეტალურად მომხმარებლის კონვერსიას რეკლამაზე დაკლიკების შემდეგ.

თეგების მენეჯერი (Google Tag Manager)

GTM  ამარტივებს კონვერსიის თრექინგის დამატებას თქვენი კონვერსიის ჯგუფებისთვის, ის მარკეტოლოგებს საშუალებას აძლევს, განახორციელონ საჭირო მონიტორინგი.

Display რეკლამის ტიპები

ტრადიციული დისფლეი რეკლამა

დისფლეი რეკლამირების ფუძე - ბანერული რეკლამები ათწლეულების განმავლობაში თავსდებოდა საიტებზე და აპლიკაციებში jpg. Gif. HTML5 და mp4 ფორმატებში.

განთავსებების არეალები მოიცავს:

  • გუგლის დისფლეი ქსელს
  • მაიკროსოფტის აუდიტორიის ქსელს
  • სოციალურ ქსელებს, როგორიც არის ფეისბუქი
  • ნიშურ პლატფორმებს
  • და ბევრი სხვა

განხილვა

ხელით შექმნილი ბანერული რეკლამები კონტროლის ყველაზე კრეატიულ მექანიზმებს გვთავაზობს, თუმცა მათი შექმნა ყველაზე ხარჯიანი და შრომატევადია მათი მოუქნელი ფორმატის გათვალისწინებით.

Google-ში, ვინაიდან ისინი 20 სხვადასხვა მოცულობას უჭერენ მხარს, მათი ქსელის 95%-ში შეიძლება განთავსდეს მასალა ხუთი სტატიკური ბანერული ზომით: 300×250, 728×90, 160×600, 320×50, 300×600.

ოპტიმიზებული (Responsive) დისფლეი რეკლამები (RDA)

ასეთი ტიპის რეკლამები ახდენენ ვიდეოების, სურათების, ლოგოებისა და ტექსტების კონვერტაციას შესაბამისი ქსელის მიხედვით, რა პროცესის დროსაც ისინი თითოეულ მომხმარებელს ითვალისწინებენ ოპტიმალური კომბინაციის შესათავაზებლად.

ასეთი ტიპის პერსონალიზაცია ხელს უწყობს სწავლას და პერფორმანსის ამაღლებას მეტად ავტომატიზებული გზებით.

აი მაგალითი იმისა, თუ როგორ შეუძლია ადაპტაცია ასეთი ტიპის რეკლამას:

RDA მომავლის რეკლამას წარმოადგენს. დრო და დრო გუგლი უფრო მეტ უპირატესობას სწორედ ასეთი ტიპის რეკლამებს ანიჭებს.

ასეთი ტიპის რეკლამების გუგლის მიერ შემოთავაზებული ვერსია 2016 წელს გამოჩნდა და ის ბაზრისთვის შედარებით სიახლესაც წარმოადგენს. 

რეკლამის შემქმნელებისთვის ეს შემსუბუქებულ ძალისხმევას უკავშირდება, მათ აღარ უწევთ კრეატიული მასალის შექმნაზე დიდი ძალისხმევის დახარჯვა, ხოლო გუგლისთვის ეს დამატებითი შემოსავლის შესაძლებლობასთან ასოცირდება.

სხვადასხვა პლატფორმებიც, მაგალითად ფეისბუქი იწყებს ასეთი რეკლამების უფრო დიდი სიხშირით გამოყენებას.

ფეისბუქზე კამპანიის შექმნისას, თუ თქვენ ავტომატურ განთავსებას მიუთითებთ, ამით პლატფორმას საშუალებას აძლევთ, თქვენი მონაცემების ადაპტაცია მოახდინოს და მოარგოს ის სიახლეების კედელს, სთორის, ძიებას, მესიჯებსა და აპლიკაციებს.

გარდა ამისა, 2020 წელს ფეისბუქმა ასევე დანერგა მსგავსი ტიპის რეკლამების შექმნა ტექსტური კონტენტისთვისაც - ხელოვნური ინტელექტი ქმნის მესიჯებს ავტომატურად, ისევე როგორც ამას Google აკეთებს.

განხილვა

RDA რეკლამებს, მათი პერფორმანსისა და დანაზოგების გამო ძალიან ბევრი კომპანია ირჩევს, მიუხედავად უარყოფითი მხარეებისა.

  • RDA რეკლამების შემთხვევაში არ შეგიძლიათ მისი შერჩევა რამდენიმე ვარიანტიდან. თუ მარკეტოლოგს/ბრენდს აქვს სპეციფიკური მოთხოვნები დიზაინის მიმართულებით, მაშინ ასეთი ტიპის რეკლამებს ის სკეპტიკურად უნდა უყურებდეს, რადგან მასზე კონტროლი არ აქვს.
  • HTML5 და ანიმაციურ GIF-ებს არ აქვთ RDA რეკლამების მხარდაჭერა. თუმცა, შეგიძლიათ სისტემა „მოატყუოთ“ და ასეთი ფორმატის სარეკლამო მასალა გადააკონვერტიროთ mp4 ფორმატში და ატვირთოთ ეს ვიდეო იუთუბზე.
  • რეპორტინგი ასეთი რეკლამებისთვის არც თუ ისე მრავლისმომცველია. სტატისტიკას მხოლოდ ჩვენების შესახებ იღებთ, თუ როგორი შესრულება აქვს თითოეულ სეგმენტს (სათაური, აღწერა, სურათი).

Native რეკლამები

როდესაც ადამიანები Native რეკლამების შესახებ იგებენ, მათ თავში ყოველთვის დასპონსორებული კონტენტი უტრიალებთ. რეალურად, ასეთი ტიპის რეკლამები წარმოადგენენ ისეთ სარეკლამო მასალას, რომელთა იერი და „სულიც“ ემთხვევა იმ საიტს ან აპლიკაციას, სადაც მისი განთავსება ხდება.

Google-მა ბოლო პერიოდში მნიშვნელოვანი ნაბიჯები გადადგა ამ მიმართულებით და განავითარა აღმოჩენის კამპანიები - ისინი მარკეტოლოგებს საშუალებას აძლევს, რეკლამები სხვადასხვა არხებში, მაგალითად Google Discovery Feed, Gmail, YouTube Home, საძიებო და "ასევე იხილეთ" გვერდებზე განათავსონ.

სოციალურმა მედია პლატფორმებმა კი, როგორიც არის ფეისბუქი, ტვიტერი, ლინკდინი და რედიტი, გასულ პერიოდში ძალიან დიდი სარგებლის მიღება მოახერხეს მათი „newsfeed”-ის მონეტიზაციით, რასაც დასპონსორებული კონტენტის საშუალებით მიაღწიეს.

განხილვა

Native რეკლამირება საუკეთესო შედეგების მომტანია, თუკი ის ბრენდის ცნობადობისა და ჩართულობის გაზრდას ემსახურება და არა ძაბრის ბოლო ეტაპზე კონვერსიების მატებას.

„სქროლვის შეჩერება“ დღეს მთავარი გამოწვევაა სოციალურ მედიაში native რეკლამირებისთვის. თქვენი ტექსტი და ვიზუალები მომენტალურად უნდა იქცევდეს მომხმარებლის ყურადღებას და უბიძგებდეს მას წაკითხვის, ყურების ან დაკლიკებისკენ.

ვიდეო დისფლეი რეკლამები

ჩართულობის კუთხით, ვიდეო ერთ-ერთი ყველაზე ეფექტური სარეკლამო ფორმატია. ინტერნეტის სისწრაფემ და არნახულმა დაფარვის არეალმა ისეთი შესაძლებლობები გააჩინა, რომლებსაც აქამდე არ უარსებია.

Google-მა განაცხადა, რომ 2021 წლის პირველი კვარტლის განმავლობაში, YouTube YoY-ის შემოსავლები $4 მილიარდიდან $6 მილიარდამდე გაიზარდა.

ყველა ძირითადი სარეკლამო პლატფორმა და სერვერი საშუალებას გაძლევთ, მართოთ ვიდეო კამპანიები. პლატფორმების უმრავლესობაზე კი ვიდეო კონტენტი დაყოფილია გამოტოვებად და არა გამოტოვებად კატეგორიებად.

არა გამოტოვებადი ვიდეოების ყურება აუცილებელია მის დასრულებამდე. ისინი ძირითადად ძაბრის სათავეში გვხვდება და ამის მაგალითი შეიძლება პროგრამული ან იუთუბ რეკლამებიც იყოს.

გამოტოვებადი ვიდეო რეკლამა საშუალებას აძლევს მომხმარებელს, ვიდეოს ყურება გარკვეული პერიოდის შემდეგ გაწყვიტოს. იუთუბზე ეს 5 წამის შემდეგ ხდება.

განხილვა

CPV – cost per view მოდელის გამოყენებისას, მარკეტოლოგები ფულს არ იხდიან იქამდე, სანამ მომხმარებელი რეკლამას არ ნახავს ან რაიმე სახის ჩართულობას არ ექნება ადგილი.

ჩათვალეთ, რომ იუთუბს გარეთ თქვენი ვიდეო „გაჩუმებული“ შეხვდება მომხმარებელს. ამიტომ დარწმუნდით, რომ თქვენს ვიდეოს ტექსტებიც აქვს, სადაც შესაძლებელია. ფაილი ტექსტური მასალისთვის .SRT ფორმატშიც შეგიძლიათ ატვირთოთ.

Google რეკლამების მართვისას თქვენ აუცილებლად დაგჭირდებათ რეკლამის ატვირთვა იუთუბზე, რათა მისი გამოყენება შეძლოთ. თუ არ გსურთ, რომ ვიდეო იუთუბის პლატფორმაზე გამოჩნდეს, მაშინ შეგიძლიათ ის არ გამოაქვეყნოთ.

ლიდების ბარათი არის გავრცობილი ფორმა, რომლის მიბმაც თქვენი სარეკლამო კონტენტისთვის შეგიძლიათ. ლიდების ბარათებსა და დისფლეი რეკლამებთან ერთად, Google/YouTube ახლა უკვე გვთავაზობს ლიდების გენერირების ფორმას იუთუბისთვის.

Display რეკლამის დამატებითი სახეობები

საშოპინგო რეკლამები კიდევ ერთ მომგებიან სარეკლამო ფორმატს წარმოადგენენ, რომლებსაც ძირითადად ელექტრონული კომერციის მაღაზიები იყენებენ. მონაცეთა ბაზის გამოყენების წყალობით, ისინი დინამიურად ივსებიან მომხმარებელთა ქცევის საფუძველზე.

დინამიური დისფლეი რეკლამები დინამიურად აწვდიან რეკლამას მომხმარებლებს იმის მიხედვით, თუ რომელ პროდუქტს ან გვერდებს ეძებდნენ ისინი. Google რეკლამებს, ისევე როგორც რამდენიმე პლატფორმას, გააჩნია დინამიური დისფლეი რეკლამების განთავსების შესაძლებლობა. ეს რეკლამები ავტომატურად ადაპტირდება ცალკეული ინდივიდის ინტერესებისა და შესყიდვის მზაობის მიხედვით.

Overlay რეკლამები ძირითადად ჩნდება ტექსტისა და სურათის სახით კონტენტის თავზე - როგორც წესი ვიდეო.

ინტერაქციული რეკლამები მომხმარებელს ქმედებისკენ მოუწოდებს. ფეისბუქზე მაგალითად ჩვენ გვაქვს Poll რეკლამები და დამატებული რეალობის (AR) რეკლამები.

Lightbox რეკლამები ჩნდება ჩართულობასთან ერთად. მაგალითად, ეს რეკლამები შესაძლოა გაიშალოს სრულ ეკრანზე, დაიწყოს ვიდეოს გაშვება ან საშუალება მოგცეთ, რამდენიმე სურათი იხილოთ რეკლამის ფარგლებში.

საპრიზო რეკლამები მომხმარებლებს პრიზებს სთავაზობს გარკვეული დასპონსორებული რეკლამის ნახვისათვის.

კომპანიონის რეკლამები წარმოადგნენ სარეკლამო მასალას, რომელიც პლატფორმებს, მაგალითად YouTube ამარაგებს ვიდეო კონტენტით. ასეთ დროს, რეკლამა მომხმარებელს მოქმედების საშუალებასაც აძლევს, ვინაიდან ისინი მხოლოდ პასიური მოსმენით არ შემოიფარგლებიან.

დისფლეი რეკლამების შერჩევა

როგორ უნდა შექმნათ ისეთი კრეატიული მასალა, რომელიც ინფორმაციული, სასურველი და არა გამაღიზიანებელია?

კრეატიული პროექტებისა და მასალების შერჩევისთვის, შეგიძლიათ ეს დიაგრამა გამოიყენოთ:

შესაძლოა მსოფლიოში საუკეთესო მედია სტრატეგია გქონდეთ, მაგრამ თუ თქვენი კრეატიული მასალა არაფრის მომცემია, მაშინ თქვენი შანსები წარმატებისთვის მაინც ნულია. კრეატიული მასალა გამოგარჩევთ სხვა რეკლამებისგან, რომლებსაც ადამიანები ყოველდღიურად ხედავენ. ის უნდა შეიცავდეს იუმორს, ემოციურ დატვირთვას და ფუნქციურ მესიჯებს.

ჯვარედინი კავშირი

დარწმუნდით, რომ თქვენი დეპარტამენტები, გუნდები და მიმართულებები ერთმანეთთან თანხვედრაშია. Inbound და Oubound მარკეტინგი, მომხმარებელთა მხარდაჭერა და გაყიდვების გუნდი რეგულარულად უნდა ათანხმებდეს და განიხილავდეს კომპანიის მესიჯებს, მომხმარებელთა გამოცდილებას და იკვლევდეს, თუ რა მუშაობს ყველაზე ეფექტურად.

პერსონალიზაცია

ციფრული ბიზნესების 89% ინვესტიციას სწორედაც რომ პერსონალიზაციაში დებს და ამას თავისი მიზეზებიც გააჩნია. მომხმარებელთა გამოცდილების პერსონალიზირება - მათ შორის დისფლეი რეკლამები, ერთ-ერთი საუკეთესო გზაა შედეგების გასაუმჯობესებლად.

5 მნიშვნელოვანი ფაქტორი დისფლეი რეკლამებისთვის

სრული ძაბრის სტრატეგიის შექმნას, რომელიც ინარჩუნებს კრეატიულ თარგეთირებას, შეთავაზებებსა და მომხმარებლის გამოცდილებას წინა პლანზე, მნიშვნელოვანი შედეგების მოტანა შეუძლია გრძელვადიან პერიოდში.

სრული ძაბრის სტრატეგიაში დისფლეი რეკლამები მნიშვნელოვან როლს თამაშობენ. ისინი საკმაოდ ვრცელ აუდიტორიას უკავშირდებიან და მათ ბრენდის შესახებ ამცნობენ, შესაძლო სარგებლის, პროდუქტებისა და სერვისების შესახებ უყვებიან, ზრდიან ცნობისმოყვარეობასა და ჩართულობას.

გარდა ამისა, დისფლეი რეკლამები გეხმარებათ ბრენდის წარმოჩენაში, სწორ კომუნიკაციაში, კულტურისა და განსხვავებების წარმოდგენაში.

სწორად გამოყენების შემთხვევაში, დისფლეი რეკლამების ეფექტურობა შესაძლოა შეუფასებელიც კი იყოს.

  1. დისფლეი რეკლამირება რეკლამირების საკმაოდ ფართო ფორმაა და ის აერთიანებს სხვადასხვა არხებს, ფორმატებსა და მომხმარებლის სტადიებს.
  2. დისფლეი რეკლამის წარმატება გარანტირებულია სწორი თარგეთირებით, ძლიერი კრეატიული მასალითა და კლიკამდე და კლიკის შემდგომი პროცესების თანხვედრით.
  3. დისფლეი რეკლამების წარმატების ზრდა დამოკიდებულია ფასიანი ძიების სწორხაზოვნებიდან ადაპტირებაზე.
  4. ოპტიმიზებული რეკლამები (RDA) მარკეტოლოგებს საშუალებას აძლევს, გამოსცადონ რეკლამების სხვადასხვა ვარიაცები, მათი გრაფიკული და ტექსტური მასალების მიხედვით - ეს ყველაფერი კი ხელოვნური ინტელექტის დახმარებით.
  5. ვიდეო ფორმატი ჩვენთან რჩება და უფრო მეტიც. ბრენდებს, რომლებიც ვიდეო კონტენტს აწარმოებენ და მას სხვადასხვა მიზნებისთვის იყენებენ, გაცილებით მეტი უპირატესობა გააჩნიათ სხვა ბრენდებთან შედარებით.

 

ასევე დაგაინტერესებთ:

როგორ გავარეკლამოთ ახალი ბიზნესი ფულის არ ქონის პირობებში

5 რჩევა სარეკლამო კამპანიების ოპტიმიზაციისთვის

ციფრული მარკეტინგის 15 უფასო ხელსაწყო მცირე ბიზნესისათვის

ეფილიეიტ მარკეტინგი