8 ბრენდი, რომელიც კოვიდ 19-ის  კრიზისს გაუმკლავდა

აგვისტო 25, 2021

8 ბრენდი, რომელიც კოვიდ 19-ის კრიზისს გაუმკლავდა

ვინაიდან კორონა ვირუსის პანდემია აგრძელებს ბიზნეს ინდუსტრიების დაზარალებას, ყველა მარკეტოლოგს ერთი და იგივე კითხვა უჩნდება: „როგორ გავუმკლავდეთ მას?“

ვინაიდან კორონა ვირუსის პანდემია აგრძელებს ბიზნეს ინდუსტრიების დაზარალებას, ყველა მარკეტოლოგს ერთი და იგივე კითხვა უჩნდება: „როგორ გავუმკლავდეთ მას?“

შესაძლოა, ძალიან რთულად მოგეჩვენოთ ამ პერიოდში რაიმე წარმატების მიღწევა, მაგრამ ძალიან ბევრმა მსოფლიო დონის კომპანიამ შეძლო, გარდაექმნა პრობლემა შესაძლებლობად, აუდიტორიასთან მისი კავშირები გამეყარებინა და ის უფრო ღირებული გაეხადა.

ამ სტატიაში სწორედ იმ რვა ბრენდზე მოგიყვებით, რომლებაც შეძლეს და პანდემია შესაძლებლობად აქციეს.

  1. Nike

ისეთი ბრენდისთვის, რომელიც საზოგადოებაში გარე აქტივობების ხელშემწყობი და შთამაგონებელია, რთული წარმოსადგენია პანდემიის პირობებში სწრაფად რეაგირება.

საკუთარ აუდიტორიას ნაიკი „გუნდში“ წვლილის შეტანისკენ მოუწოდებდა და სთხოვდნენ, რომ „დარჩენილიყვნენ შინ და ეთამაშათ მსოფლიოსთვის“. ეს მესიჯი აუდიტორიას მოუწოდებდა, გაერთიანებულიყვნენ სოციალური დისტანციისთვის ბრძოლაში. ამგვარმა მესიჯმა საზოგადოებაში ერთიანობის გრძნობა გააჩინა. სხვა კომპანიებისთვის კი ეს ერთგვარ მაგალითს წარმოადგენს - თუ რამდენად მარტივი და ამავდროულად ეფექტური შეიძლება იყოს კომუნიკაცია.

იმ დროისათვის, როდესაც ადიდასი და სხვა ბრენდები საკუთარ მაღაზიებს ხურავდნენ, ნაიკი დღის შუქზე გამოდიოდა.

  1. Pret A Manger

საერთაშორისო საკვები ინდუსტრიის წარმომადგენელი, ბრიტანული კომპანია Pret A Manger იყო ერთ-ერთი, რომელმაც პანდემიის ჟამს მხარდაჭერის შესაძლებლობა დაინახა. კომპანიამ მალევე დაიწყო მხოლოდ გატანაზე მუშაობა თითქმის მთელი ბრიტანეთის მასშტაბით იმისათვის, რომ სოციალური ინტერაქცია შეემცირებინა. მათი მაღაზიების დაკეტვამდე კომპანიამ განაცხადა, რომ ყველა სამედიცინო პერსონალისთვის უფასო იქნება ცხელი სასმელები და დამატებით ისინი 50%-იან ფასდაკლებას მიიღებდნენ სხვა პროდუქციაზე.

კომპანიის ამგვარი გადაწყვეტილება იყო ადრეული მაგალითი იმისა, თუ როგორ შეუძლიათ ბრენდებს საერთო საზოგადოებრივი პასუხისმგებლობის ამაღლება და წინა ფლანგზე მებრძოლ პერსონალზე ზრუნვა პანდემიის ფარგლებში.

  1. Coca-Cola

Nike-ის შთამაგონებელ მესიჯებთან ერთად, კოკა-კოლამაც დაიწყო საკუთარი იკონური ლოგოს ჭკვიანური ინტერპრეტაცია, რაც გლობალური ბრენდებისთვის მისაბაძი მაგალითი გახდა. თაიმს სქვერის ბილბორდის დახმარებით, მათი ლოგო გახდა სოციალური დისტანცირების სიმბოლო იმ ადგილისთვის, რომელიც კრიზისის ეპიცენტრს წარმოადგენდა.

ბრიტანეთის კოკა-კოლამაც გამოთქვა მათი მხარდაჭერა წინა ფლანგზე მებრძოლი ადამიანების მიმართ. ბრენდი მადლობას უხდიდა ექიმებს, სოციალურ მუშაკებს, მასწავლებლებს თუ სუპერმარკეტების პერსონალს. ბრენდი მათი პროფესიების დასახელებებს და მადლობის ტექსტს კოკა-კოლის ბოთლის ფორმით წარმოადგენდა.

  1. Ford

ავტომობილების ყველასათვის ცნობილმა მწარმოებელმა კრიზის ადრეულ ეტაპებზევე შეძლო მხარდაჭერის გამოცხადება მათი კამპანიის „Built to Lend a Hand”-ის ფარგლებში. რეკლამა მნახველებს ამოგზაურებს იმ დროში, იმ მომენტებში, როდესაც ფორდმა არაერთი კრიზისის პერიოდში შესთავაზა მისი მხარდაჭერა საზოგადოებას. ის მთავრდება ციტატით „now we’re here to lend a hand again” - ახლა, ჩვენ ისევ აქ ვართ დასახმარებლად. ისინი დახმარებას სთავაზობდნენ მათ, ვინც იყო ინფიცირებული და ამ პერიოდში მანქანა ჰყავდა დაგირავებული.

  1. Krispy Kreme

30 მარტიდან კომპანია უფასოდ სთავაზობდა დონატებს სამედიცინო პერსონალის ყველა წევრს, რომელიც პანდემიის წინა ფლანგზე იბრძოდა. კომპანიამ საკუთარი მესიჯი სოციალური მედიის საშუალებით გაავრცელა და ამასთანავე, დაიწყო მომხმარებლის მიერ შექმნილი კონტენტის გაზიარება, როგორც უბრალო ჟესტი.

კომპანია საკუთარ მომხმარებელს ასევე სთავაზობს კამპანიას #BeSweetSaturdays მათ ინსტაგრამ გვერდზე. თუ მომხმარებელი შეიძენდა დონატებს შაბათ დღეს, ისინი მათ დამატებით ერთ დონატს ჩუქნიდნენ. შემდეგ კი Krispy Kreme მოუწოდებდა აუდიტორიას, რომ უფასო დონატი მეზობლისთვის ან სხვისთვის გაეზიარებინა, როგორც უბრალოდ სიკეთის ჟესტი.

  1. Budweiser

ამერიკულმა ლუდის მწარმოებელმა კომპანიამ გამოაქვეყნა რეკლამა, სადაც წინა ფლანგზე მებრძოლი გმირები იყვნენ წარმოჩენილები, მათ შორის ექთნები, ექიმები და ინფექციონისტები. რეკლამა ასევე ეხებოდა ათლეტებს, სკოლის მასწავლებლებსა და საზოგადოების წევრებს, რომლებიც სახლში რჩებოდნენ. კამპანიის ფარგლებში კი გავრცელდა #OneTeam ჰეშთეგი, რომელიც გარკვეულწილად ნაიკის მესიჯსაც წააგავდა.

ემოციურ გავლენას ყველაზე მეტად იწვევდა ის ფაქტი, რომ კომპანია საკუთარ სპორტულ ინვესტიციებს წითელი ჯვრის მხარდაჭერას მოახმარდა პანდემიის განმავლობაში (იხილეთ ვიდეო).

ბუდვაიზერის ლუდსახარშმა ასევე წამოიწყო კამპანია „გადაარჩინე პაბ კულტურა“ - კამპანია, რომელიც ხალხს მოუწოდებდა სასაჩუქრე ბარათის შეძენას, რომელსაც სამომავლოდ ადგილობრივ პაბებში გამოიყენებდნენ. მათ გამოაცხადეს, რომ თითოეული სასაჩუქრე ბარათის ღირებულება ჯამში 1 მილიონ ფუნტს შეადგენდა.

  1. Allbirds

ამერიკულმა ფეხსაცმლის მწარმოებელმა კომპანიამ საკუთარ ინსტაგრამ გვერდზე დააანონსა, რომ ისინი  მორბენალებისთვის წარმოებულ აბრეშუმის ფეხსაცმელებს უფასოდ გასცემდნენ მედ პერსონალზე. $500,000 დოლარის დონაციის შემდეგ კი კომპანიამ გააცნობიერა, რომ მათ საზოგადოების დახმარებაც სჭირდებოდათ და წამოიწყეს კამპანია „შეიძინე ერთი, გაეცი ერთი“.

 

  1. Disney+

დისნეიმ გვაჩვენა, რომ მცირე ჟესტებიც კი შესაძლოა სიკეთის მატარებელი აღმოჩნდეს. მათ საკუთარი ანიმაცია „Frozen II” დაანონსებულზე ადრე გამოუშვეს და ოჯახებს საშუალებას მისცეს, კარანტინის პერიოდი სახლში მყუდროდ და ხალისიანად გაეტარებინათ.

როგორც ხედავთ, კრიზისული პერიოდი გააზრებულ, დროულ და სტრატეგიულ გამოხმაურებას საჭიროებს ბიზნესების მხრიდან. როგორც ამ მაგალითებით დასტურდება, ეს სამოქალაქო ჟესტები არ არის აუცილებელი, იყოს რაიმე გრანდიოზული სახის, რათა საზოგადოებაში სიმპათია გამოიწვიოს.

შესაძლოა, ცნობილი ფიგურის გამოყენება კამპანიის ფარგლებში თქვენს ბრენდს არ შეესაბამებოდეს, თუმცა აშკარა პროაქტიული კომუნიკაცია ნამდვილად დაგეხმარებათ ბრენდის იმიჯისა და საზოგადოებრივი ურთიერთობის გაუმჯობესებაში.

 

ასევე დაგაინტერესებთ:

9 კრეატიული საზაფხულო მარკეტინგული კამპანია

ციფრული მარკეტინგის 16 ინსტრუმენტი, რომელიც უნდა იცოდეთ

რა როლი აკისრია ციფრულ მარკეტინგს კომპანიაში?

ეფილიეიტ მარკეტინგი